Isaya 23:17 - Bhiblia Yo Sawuleka

¹⁷ Nguko i nava magwito ka mtxhanu wa magumi ni magumi mambidi a malembe, aawa Mkoma a no endela Tiro ka ona, se dona di na tshumelela ka wugwili wa dona wa wugelegele, kambe di na va ni wukwewu ni yotshe mifumo yi yi kuho txitimwi ka mafu.

Isaya 23:17 Referans Kwoze

Nahume 3:4

Ngu mhaka ya kutala ka sionho sa digelegele do tshura, da wutxhari wa wuloyi, di nga xavisa vathu ngu wugelegele wa dona, ni tihunzu ngu wuloyi wa dona.

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

1 Pedro 5:2

Dyisani mtxhambi wa Txizimu, awu mi nga vekelwa, mi txi wu xayisa, i si nga ngu kukurumetwa, aniko, ti maheni ngu kuranda ka mbilu, i si nga ngu moya wa nzambwa ya kulava dibhindu; ti maheni ngu kutiningetetela ka mbilu;

1 Timoti 3:8

Vadhiyakoni ni vona, kulaveka i di vathu vo xonipheka, i si nga va makuhu, va si ti ningeteliko wusukeni, i si nga vathumeli va mabhindu a tingana,

1 Timoti 3:3

i si nga disela mwendo m'thu wa mazunga, aniko a nave i di wo dikha, a si nga ni wukhuxu ni timbiti.

Mithumo 15:14

Simoni a hi xawutete ati Txizimu, kukhukhela makhatoni, txi nga sawulisa tona, hagari ka vamatiko, vathu vava va fanelako kudhumisa ditina da txona.

Zefaniya 2:7

Mabambe mule ku na lumba miboti ya nyumba ya ka Judha, kuva va txi dyisela kona sifuyo; ni minova va na ya otela tinyumbani ka va ka Axikaloni, nguko Mkoma, Txizimu txawe, a na va endela, kambe a na va tshumetela tikhumbi tawe.

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Mika 1:7

Se sotshe sithombe sakwe so vatwa si na tshatulelwa, ni yotshe miholo yakwe yi na hiswa ngu mndilo, ni na fuvisa sotshe sithombe sakwe, nguko asi mani ngu mtengo wa wugelegele wakwe, se si na maha hakhelo ya digelegele.

Ezekhiyele 22:13

Wona taku, ni pekile manza ngu mhaka ya kufelela kwako aku u nga kumaha, ni mnoha wu wu nga theketwa kwako

Ezekhiyele 16:31

Mbimo yi u nga ti akela nzuma ka mahandakanya a tinzila, u aka makhalo o guleka kona tinzilanimo, khwa maha nga dibhoyi, nguko u kalate hakhelo;

Ezekhiyele 16:26

Kambe u mahile wugelegele ni vanana va Egipta, vaakelani vako vale i ku siro sa hombe, u mahile wugelegele wako kasi ku ni wusela kuhenya.

Jeremiya 29:10

Nguko, Mkoma a khene: Aha ku no pinda mtxhanu wa magumi ni mambidi a malembe Bhabhilona, ni na mi alakanya, ni txi mi mahela ta tinene, ni txi mi wuyisa ka wuwa wukhalo.

Dhewuteronome 23:18

U nga tise hakhelo ya wugango, mwendo mtengo wo dihelwa yimbwa, Nyumbani ka Mkoma, Txizimu txako, ngu kuxambanya kokari; nguko ngu wumbidi wa sona, nzinyenyeko ka Mkoma, Txizimu txako.

Isaya 23:15

Se ku na maheka ka dona ditshiku dile, taku Tiro e divalwa, amu ka mtxhanu wa magumi ni magumi mambidi a malembe, madingano ni masiku a mfumeli; aniko ngu magwito ka mtxhanu wa magumi ni magumi mambidi a malembe, Tiro a na fana ni ndando ya digelegele.

Isaya 23:16

Teka haripa u horolokela didhoropa, awe digelegele u nga divalwa ngu votshe; veta kha kwati, embelela, u wuyelela ko tala, kasi ku va na kualakanya.

Ezekhiyele 16:25

Ka otshe mahandakanya u akile makhalo o guleka, u nyenyezisile kutshura kwako, u randanile ni votshe vapindi va nzila; kambe u andisile wugelegele wako.

Jeremiya 25:11

Dotshe diya ditiko di na va marumbi ni txidiwukiso; ni matiko awa, ma na thumela mfumeli wa Bhabhilona, mndani ka mtxhanu wa magumi ni magumi mambidi a malembe.