Isaya 23:16 - Bhiblia Yo Sawuleka

¹⁶ Teka haripa u horolokela didhoropa, awe digelegele u nga divalwa ngu votshe; veta kha kwati, embelela, u wuyelela ko tala, kasi ku va na kualakanya.

Isaya 23:16 Referans Kwoze

Jeremiya 30:14

Votshe va va kurandako va ku divate, kha va ku khataleli. Nguko ni ku dayisisile ku nga wo va mlala, ngu txitsayiso txa timbiti; ngu kukula ka wubihi wako, ni wungi wa sionho sako.

Isaya 23:15

Se ku na maheka ka dona ditshiku dile, taku Tiro e divalwa, amu ka mtxhanu wa magumi ni magumi mambidi a malembe, madingano ni masiku a mfumeli; aniko ngu magwito ka mtxhanu wa magumi ni magumi mambidi a malembe, Tiro a na fana ni ndando ya digelegele.

Isaya 23:17

Nguko i nava magwito ka mtxhanu wa magumi ni magumi mambidi a malembe, aawa Mkoma a no endela Tiro ka ona, se dona di na tshumelela ka wugwili wa dona wa wugelegele, kambe di na va ni wukwewu ni yotshe mifumo yi yi kuho txitimwi ka mafu.

Ezekhiyele 26:13

Se ni na emisa diguwa da tindando tako, ni dipswi da tiharipa tako kha di na mbi pfala kambe.

Nahume 3:4

Ngu mhaka ya kutala ka sionho sa digelegele do tshura, da wutxhari wa wuloyi, di nga xavisa vathu ngu wugelegele wa dona, ni tihunzu ngu wuloyi wa dona.