Isaya 23:13 - Bhiblia Yo Sawuleka

¹³ Wona ditiko da Vakaldheya, vathu va va nga sanzi kuva i di vathu; Asiriya a di akete vale va nga ti ti zumba txiwulani; va to aka mikhokhola yawe, ni tinyumba tawe ta wukoma, aniko di khundumusilwe dotshe.

Isaya 23:13 Referans Kwoze

Mithumo 7:4

Sekoko ene a to khukha ditikoni ka Vakaldheya, eya aka Karani. Kambe ngako tate wakwe a di fite, Txizimu txi mu rurisile txi mu tisa ka ditiko di anu mi nga aka ka dona konkuwa.

Habhakuki 1:6

Nguko wonani taku na wusa Vakaldheya, vathu vo karata ni kukuluveta, va rerelako ka otshe mafu ngu kuanama ka ona, kasi kuhonyola makhalo o mbi va lumba.

Dhaniyeli 4:30

mfumeli a to wotisa, a txi khene: Ina hi nga ene Bhabhilona wa hombe wu ni nga muaka kasi kumaha nyumba ya wukoma, ngu mtamo wa mfumo wangu, ni wudhumo wa wuhombe wangu kani?

Ezekhiyele 29:18

Awe mwanana wa m'thu, wona taku, Nebhukodhonosori mfumeli wa Bhabhilona, a mahile ti to dibutho dakwe di txi maha mthumo wa hombe wa kuxasela Tiro; veza ve kuluwuka ni misisi ve maha tigwayi, ku pshwerukela ni makata, aniko Nebhukodhonosori kha nga wuyelwa ngu txilo kona Tiro, hambi ni dibutho dakwe, ka mthumo wule di nga maha wa kuwukela Tiro.

Isaya 13:19

Se Bhabhilona, ditiko do tshura, kupinda matiko otshe, adi Vakaldheya va ti dhumisako ngu dona, di na fana ni Sodhoma ni Gomora, mbimo yi Txizimu txi nga ma haxula.

Isaya 10:7

hambiko ene a singako ni mhaka nito, hambi mbiluni kwakwe, kha alakanyeli eto; Aniko mbilu yakwe yi navela kuhoxota, ni kulovisa matiko o tala.

Isaya 10:5

Dikhombo ka Asiriya, ndonga ya kuhenya kwangu! Nguko txiviti txangu txi fanana ni ndonga manzani kwakwe.

Masalmo 72:9

Vathu va txiwulani va na nama masoni kwakwe; valala vakwe va na ti wisa ha mafuni masoni kwakwe!

Jobe 1:17

A txi ngadi e womba-womba-wuwa, kutile mmwani mtumi, a txi ta khene: Vakaldheya va rumile mitxawa yiraru, yi honyola makamelu yi tsula nawo, yi daya vafana ngu ditxhari; ngani nokha ni nga huluka, kuva ni kutisela mahungu.

2 Makronika 33:11

Ngu kumaha keto, Mkoma a to va nehela vathangeli va dibutho da yimbi da mfumeli wa Asiriya, avale va nga ñola Manasi hagari ka mipa, ve msungelela ngu titxhini, ve mu tsulisa Bhabhilona.

2 Vafumeli 20:12

Ka yona yile mbimo Merodhake-Bhaladhani, mwana Bhaladhani, mfumeli wa Bhabhilona, a to rumela mapasi ni txihiwa ka mfumeli Ezekhiya, nguko a ti ti pfite taku Ezekhiya a ti nga lwala.

2 Vafumeli 17:24

Se mfumeli wa Asiriya a tisile vathu ngu Bhabheli, ni Kuta, ni Avha, ni Hamati, ni Sefarivhayimi, e ta va akisa madhoropani ka Samariya, wukhaloni ka vanana va ka Israyeli; va to teka Samariya e maha thomba yawe, ve zumba ka madhoropa a kona.

Genesisi 11:31

Tera a to teka mwanana wakwe Abramu, ni mtukulu wakwe Loti, mwana Harani, ni mame wakwe Sarayi, msikati wa Abramu, e rura navo ditikoni ka Uri ka Vakaldheya, ve tsula ditikoni ka Kanana, aniko, va di hokile ditikoni ka Harani, va to aka ve zumba kona.

Genesisi 11:28

Harani a fite a di ngadi a txi hanya tate wakwe Tera, a fete didhoropani ka Uri, ahawa a nga velekelwa kona, ditikoni ka Vakaldheya.

Genesisi 11:9

Ngu mhaka yeto, m'ti wule wu dhanwa ku i Bhabheli, nguko ngu koneyo Mkoma a nga hambanisa kuwombawomba ka vathu va mafu otshe, kambe ku khatete koneyo ku hangalaswa ka vathu ni dotshe ditiko ngu Mkoma.

Genesisi 2:14

Se ditina da mnambo wa wuraru i Tigre, kambe wu khulungela wutxani ka Asiriya. Wa wumune i Ewufrate.

Isaya 13:21

Kambe sihari sa txiwulani si na zumba kona, tinyumba tawe ti na tala ngu sisukulu, ni timbuwu ti na zumba kona, ni tiphongo ti na ndaka-ndaka kona.

Isaya 18:6

Vona va na lekwa hafuhi ni sinyana sa mimangoni, ni ka sihari sa ha mafuni; se sinyana si na vadya ngu mbimo ya malanga, kambe sotshe sihari sa txitinga si na vadya ngu mbimo ya wuxika.

Isaya 43:14

Mkoma, Mtiruli wako, i ku Msawuleki wa Israyeli, a womba tiya: Ngu mhaka ya ku mi randa, ni rumete valala Bhabhilona, se votshe ni na va maha ve relela kota vo tutuma, ni womba Vakaldheya, ka sitimela si va nga txi ti dhumisa ngu sona.

Ezekhiyele 23:23

I ku vanana va Vabhabhilona, ni votshe Vakaldheya va niya Pekodhe, va ku Sowa, Kowa, ni votshe vanana va Vasiriya va ku navo, mazambi ni mahorana o tshura, kumweko ni votshe vathangeli ni vathaviseki, vathangeli va tiyimbi ni votshe va ku ni nduma, votshe nava di gadhile mahantxhi.