Isaya 23:1 - Bhiblia Yo Sawuleka

¹ Mahungu a Tiro. Pekani huwa, anu mi ku sitimelani ka Tarxixi, nguko a xasetwe, aha koza ku si sali ni nyumba kwakwe, se kha ku nga ni ko a nga wulela ni wammweyo; kukhukhela ditikoni ka Kitimi, va zivisilwe tiya.

Isaya 23:1 Referans Kwoze

Genesisi 10:4

Vanana va Javhani ngu vava: Elixa, ni Tarxixi, ni Kitimi, ni Dhodhanima.

Jeremiya 47:4

ngu mhaka ya Ditshiku dile di tako da kuxaselwa ka Vafilista, ku ta wila ka Tiro ni Sidhoni, votshe vale va nga ti salela ku va vhikelwa; nguko Mkoma a na hasamula Vafilista vale va nga sala txitondoloni ka Kafitori.

Jeremiya 25:22

ni votshe vafumeli va Tiro ni Sidhoni, ni vafumeli va sitondolo, si ku mtxhatuko ka linene;

Isaya 2:16

E wukela sotshe sitimela sa matini ka Tarxixi, ni sotshe sitimela sa mixowo yo tshura ngutu.

Jeremiya 2:10

Hi nga wulelani miya txitondoloni ka Kilimu, mi ya wona; rumelani Kedhari, mi xolisisa kha kwati; mi wona ngako txilo txo ngeto txi khala kumaheka.

Isaya 23:12

Se a txi khene: Khu na mbiswa u ndaka-ndaka kambe ngu kutsaka, awe muhorana wo tsindavetwa, mwana Sidhoni; khukha, tsula Kitimi, kambe hambi kona hale, khu na mbi mana kuhumula.

1 Vafumeli 22:48

Sekoko ku ti si nga ni mfumeli ditikoni ka Edhomi, aniko ku ti kova ni m'vhuneteli.

1 Vafumeli 10:22

Nguko mfumeli a di ni sitataru sa Tarxixi, ni sitataru sa Hiramu; kumweko ngu malembe mararu, ku txi wuya sitataru sa Tarxixi si txi tisa nzalama ni silivhela ni makwasa a tinzofu, ni tifenhe ni digarakwinya.

Dhaniyeli 11:30

Nguko ku nata sitimela sa Kitimi, si txi ta muwusela kupandiseka; se a na tshumela e henya e wukela txitumelelano txo sawuleka, kambe a na maha ti ti mtsakisako; ni ku a na tshumela e xayisa avale va nova va di lekile txitumelelano txo sawuleka.

Ezekhiyele 26:1

Se ku to maheka taku, ngu dilembe da wugumi, ka ditshiku do khata ka mtxima, di txi ta kwangu dipswi da Mkoma, di txi da kha dona:

Jeremiya 25:15

Nguko Mkoma, Txizimu txa Israyeli, a ti khene kwangu: Teka dijingo diya da vhinya da kuhenya manzani kwangu, u seta otshe matiko ni no kurumela ka ona.

Isaya 60:9

Ngu ditshuri, sitondolo si na ni verela, se kukhata, nzitimela sa Tarxixi, si no neha vanana vako, vale vatako ngu kule, va nata ni nzalama yawe ni silivhela yawe, kusawulekisani ka ditina da Mkoma, Txizimu txako, ni Msawuleki wa Israyeli, nguko a ku dhumisile.

Isaya 24:10

Didhoropa da txiwula di khundumusilwe, totshe tinyumba ti vhatwe, kha ku na mbi wulela m'thu ni wammweyo.

Isaya 15:8

Nguko huwa yi na hoka mihinganoni ka Mowabhi; kudila kwawe ku na hoka Eglayimi, kala Bheyeri-Eliyi ku na hoka kukuma.

Masalmo 48:7

kufana ni txihuhuka txi txi tako ngu wutxani, txi phatulelako tingalava ta Tarxixi.

2 Makronika 9:21

Nguko mfumeli a di ni sitataru sa Tarxixi, ni sitataru sa tikhumbi ta Hiramu, kumweko ngu malembe mararu, ku txi wuya sitataru sa Tarxixi si txi tisa nzalama ni silivhela, ni makwasa a tinzofu, ni tikhawu ni mapavawu.

1 Vafumeli 5:1

Hiramu, mfumeli wa Tiro, a to rumela sithumi sakwe ka Solomoni (nguko a nga pfa taku Solomoni a totilwe wukoma wukhaloni ka tate wakwe), nguko Hiramu a ti dhunda Dhavhidha.

Joxuwa 19:29

Muhingano wuwa wu ti ti tshumela wuya Rama, kala ka didhoropa do tsana da Tiro; sekoko muhingano wuwa wu ti ti tshumela wuya Hosa, wu txi ya humela lineneni, kukhukhela ka txyavelo txatxidotho ya mafu, kala Akizibhe,

Mitengo 24:24

Se sitimela sa mabambe ka mati a Kitime, si na xanisa Asuri; kambe si na xupha Vahebheri; kuve nene a naya kulovani.

Luka 10:13

“U na ni dikhombo awe Korazini! U na ni dikhombo awe Bhetsayidha! Nguko sixamaliso si si nga mahwa hagari kwanu, idiku si mahilwe Tiro ni Sidhoni, madhoropa awa, nga ma di hundulukile kale ngu kuphamba masaka ni kuzumba ha dikhumani.

Isaya 23:6

Pindani mi tsula Tarxixi, kambe pekani huwa anu vaaki va txitondoloni.

Ezekhiyele 26:2

Awe mwanana wa m'thu, nga kule Tiro a nga khene ka Jerusalema: Yowe! Yowe! Di fayilwe ditimba da vathu; di rendekete kwangu; ni na talelwa, aniko ene a xasetwe!

Ezekhiyele 27:6

Madhavi ako ngo mahwa ngu mikusu ya Bhasani; Vasiriya va ku tshurisete ngu makwasa a tinzofu ta sitondoloni ka Ketiyini.

Ezekhiyele 27:30

Va na pfalisa huwa yawe kwako, ve dila ngu kupandiseka ka hombe, ve ti xwayela lithulu ha msungo, se va na pulukuta ha ka dikhuma.

Jona 1:3

Se Jona a to khukha e tutuma, a txi ya Tarxixi, kule ni khohe ya Mkoma, se mbimo yile a nga relela eya Jope, a to ya mana txitimela txa mati txi nga ti ti ya Tarxixi, sekoko a to xava dithikithi dakwe, e wulela mndani ka txona, kasi ku a txi tsula navo Tarxixi, kule ni khohe ya Mkoma.