Isaya 22:5 - Bhiblia Yo Sawuleka

⁵ Nguko ditshiku da xomulo, ni da tingana, ni da pfilu-pfilu, ngu dona diya da kuta ngu ka Mkoma, Txizimu txa Tiyimbi, mkovani ka Txiwoniso: Kukhundumuswa ka maguma, ni huwa yo hoka ni mimangoni.

Isaya 22:5 Referans Kwoze

Luka 23:30

Sekoko ka yoneyo mbimo, va nata gela mimango va txi kha vona: ‘Welani txitimwi kwathu!’ Ka situnga va nata kha vona: ‘Hi khubhunyeteni!’

Mika 7:4

Wa txukwana kwawe a fana ni mpa; wo lulama a pinda ni mndonga wa mipa; di tshuketile ditshiku da kutsayiswa ka vawoneleli vako, kutile kuendelwa kwako; konkuwa ku nava ni pfilu-pfilu.

Sidilo 1:5

Valala vakwe va mxute, valala vakwe va humelela nguko Mkoma a mu wuyisete ngu mhaka ya kutala ka sihoxo sakwe; vanana vakwe, vayiswa wukhumbini masoni ka valala.

Isaya 37:3

Se va to kha vona kwakwe: Mfumeli Ezekhiya a khene: “Ditshiku diya, ditshiku da xomulo ni kutxhipiswa, ni kuruketelwa; nguko vanana va hafuhi ni kuvelekwa, aniko kuwalo mtamo waku va txi velekwa.

Isaya 10:6

Ni na mruma ku yalwa ni ditiko da wubihi, ni mleleta kuya wukela vathu vale ni nga va henyela, ku va handa ni ku va honyola siya sawe, se ni va veka ti to ve kandetelwa ku nga ndope ya tinzilani;

Hoseya 10:8

Se mimango ya Avheni, i ku txionho txa Israyeli yi na khundumuswa; mipa ni maxexo si na kula txitimwi ka siluvelo sawe; se va na kha vona ka mimango: Hi fenengeteni! Se ka simangwana: Welani txitimwi kwathu!

Sidilo 2:2

Mkoma a khundumusete yotshe miti ya va ka Jakobe, kha yi pfela wusiwana; kupandisekani kwakwe a khundumusete mikhokhola ya mwanana wa dihorana wa Judha; a txi yi wisa hahatshi; a onhetete wukoma ni vafumeli va kona.

Jeremiya 30:7

Yowe! Ani sikwangu! Ditshiku diya da hombe, kha ku na dimwani do fana nado! Kambe i mbimo ya dikhombo ka Jakobe; hambi keto, ka dona, a na huluka.

Isaya 22:1

Mahungu a mkova wa Txiwoniso. Wo va ni txani konkuwa, koza u kwela txitimwi ka tinyumba kani?

Matewu 24:16

Konako, ava va manekako Judheya va na thavele mimangoni;

Isaya 25:10

Nguko dianza da Mkoma, di na humula ka mmango wuwa; aniko Mowabhi a na ganyatelwa hahatshi ka wona, kufana ni kuganyatelwa ka mwasi ditalani.

Isaya 5:5

Konkuwa koko, na mi gela ti ni no maha, ka thembwe yangu ya m'vhinya: Ni na thavisa libhingo la yona, yi na maha lihawu; ni na khundumusa diseta da kona, di na kandetelwa.

Esteri 3:15

Ngu kuleleta ka mfumeli, sirumwa koko si to huma ngu kututuma, se mlayo wu huwelelwa mkhokholani ka Susani; se mfumeli kumweko ni Hamani va to khalahatsha ve sela; kambe didhoropa da Susani di to tala ngu pfilu-pfilu.

2 Vafumeli 25:10

Se otshe masotxhwa a Vakaldheya, ma nga ti ti ni mthangeli wa yimbi, ma to khundumusela maguma ale ma nga ti bhiyete Jerusalema.

2 Vafumeli 19:3

Va to ya m'gela ku kha vona: Mfumeli Ezekhiya a khene: “Ditshiku diya da nyamsi ditshiku da xomulo ni kutxhipiswa, ni kuruketelwa; nguko vanana va hokile kuhefemulwani, kambe kuwalo mtamo waku va txi velekwa.

Isaya 63:3

Ani nokha ni to suka dipipani, se ka vathu kha ngaho a nga ti ti ni nani; se kuhenyani kwangu ni to va suka, ni ku va phwarasela ngu txiviti txangu; se mnoha wawe wu to ndakela syambalo sangu, ni nzihatisa sotshe syambalo sangu.

Isaya 63:6

Se ni kandetete vathu kuhenyani kwangu, kambe ni va lavisile ngu txiviti txangu, se ni wisa mtamo wawe hahatshi.

Ezekhiyele 7:7

kata kulamulwa kwako, kwako awe u zumbako ditikoni. Yata mbimo; di hokile ditshiku da pfilu-pfilu, na i si nga da litsako, txitimwi ka mimango.

Zefaniya 1:15

Ditshiku dileya, ditshiku da txiviti, ditshiku da kupandiseka ni kuvilela, ditshiku da kukhundumusela ni kufuvisa, ditshiku da kuphuma ni txidema, ditshiku da marefu ni txidema txa hombe,

Sidilo 2:8

Mkoma a ni txikungo txo hoxota diguma da muhorana wa Siyoni; a txi ganyatela asi divaleli a mahile ti to ku va ni dikhodho nguko ku fayetetwe diguma ni lithango se ve maneka va si tsana.