Isaya 22:25 - Bhiblia Yo Sawuleka

²⁵ Ka ditshiku dile, kuwomba Mkoma wa Mabutho a Tiyimbi, txipikiri txi txi nga bethelwa ka wukhalo wo tsana, txi na thaviswa; txi na gwandwa txi txiwa, ni sotshe sile si nga ti hayekilwe ka txona, si na pshwitimuka, nguko Mkoma a wombile.

Isaya 22:25 Referans Kwoze

Isaya 46:11

Ni dhanako makoti kukhukhela Wutxani, ni m'thu wule a no maha kuranda kwangu, a nata ngu ditikoni ka kule; nguko ni wombile, kambe ti na mahisa toneto; ani ni tsanisile, ni na ti maha.

Mika 4:4

Se dimwani ni dimwani di na khalahatsha hahatshi ka m'vhinya wa dona, ni hahatshi ka mkuwu wa dona, se kha ku na mbi va ni wo va dhukisa, nguko txisofu txa Mkoma wa Mabutho a Tiyimbi, txi wombile.

Isaya 22:23

Se ni na m'bethela kufana ni txipikiri ka wukhalo wo tsana, a na fana ni txikhalo txa wukoma wa lisima, ka nyumba ya tate wakwe.

Masalmo 146:3

Mi nga thembeni vakoma, mwendo vanana va vathu, va singako ni kuhanyisa.

Ezekhiyele 5:17

Se ni na rumela nzala kwanu, ni sibanda si si nota daya vanana vako; mitungu ni kuthekela ka mnoha, si na pinda ngu kwako; ni na tisa ditxhari txitimwi kwako. Ani Mkoma ni wombile.

Ezekhiyele 5:15

Se awule wa txisekiso ni wa txibwebwe, va na va vagondisi ni txixamaliso ka matiko ale ma nga kurandela, mbimo yile ni no kulamula ngu kuhenya ni txiviti, ngu sitsayiso sa txiviti.

Ezekhiyele 5:13

Ngu kumaha keto kuhenya kwangu ku na maheka, ni na boxela kwawe txiviti txangu ni txi ti thavelela; kambe va na tiziva ti to ngani ani, Mkoma, ni nga womba ngu kuvihata, mbimo yi ni no va vitikela.

Jeremiya 4:28

Ngu mhaka yeto, mafu manava ni huwa; ni tinzuma ta txitimwi ti na phuma; nguko ani ni wombile, ni hingana ni di xuvileto. Na mbi hunduluka hambi kutshumelela msana.”

Isaya 48:15

Ani, ngani ni nga womba; kambe ni m'dhani, ni na mtisa, ni kumaha nzila yakwe yi humelela.

Masalmo 52:5

Ni txona Txizimu txi na kulovisa kala kupinduka. Txona txi na kuñola txi ku huka ha m'tini kwako; txona txi na kuthavisa mu ditikoni ka vohanya.

Isaya 22:24

Va na hayeka txitimwi kwakwe wotshe wudhumo wa nyumba ya tate wakwe, makhukhu ni tiveleko, sotshe sikadyana, kukhukhela ka majingo kala ka mabhojela.