Isaya 22:23 - Bhiblia Yo Sawuleka

²³ Se ni na m'bethela kufana ni txipikiri ka wukhalo wo tsana, a na fana ni txikhalo txa wukoma wa lisima, ka nyumba ya tate wakwe.

Isaya 22:23 Referans Kwoze

Jobe 36:7

Kha txi thavisi maso a txona ka vo lulama; kukhata txa veka vafumeli yotshe mbimo, se ngu kumaha keto va guletwa.

Ezra 9:8

Se konakuwa, ngu mbimo yayidotho, hi mahetwe wumbilu ngu Mkoma, Txizimu txathu, kasi ku hi siyela vokari va di hulukile, ni ku hi ninga kuzumbiseka wukhaloni kwakwe ko sawuleka; kasi kuwoninga maso athu; o Txizimu txathu, kasi ku hi ninga wutomi wa wudotho wukhumbini kwathu.

Zakariya 10:4

Ku na huma ngu ka Judha dirigwi da magwito, phande, wulaho wa yimbi, kumweko ni otshe masotxhwa.

1 Samuwele 2:8

Wa humisa txisiwana amu ka dikhuma, wa guleta txikulungu madhakani, kasi ku e txi khalahatshisa hagari ka vakoma, ni kuvaninga thomba ya txikhalo txa wudhumo; nguko makhato a mafu nga Mkoma, a vekile ditiko txitimwi ka ona.

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Ekleziyaste 12:11

Mapswi a titxhari ma fana ni mindombo, ni ku nga sipikiri sile si nga tsaniswa ngu vagondisi va misengeletano, hi nga ningwa ngu M'dyisi mmweyo dwe.

Esteri 10:3

Nguko Mujudha wule Mordhekayi, mbwa wumbidi msana ka mfumeli Asuwero, kambe mbwa hombe ka Vajudha, a txi tsakelwa ngu dibutho da vanawe, a txi lava ti to va ka kwawe ve mahelwa wunene, ni kuthumela ku dotshe ditiko dakwe di mana kuhumelela.

Esteri 4:14

Nguko ka mbimo yiya hambi u txi malala ka totshe, kutxhatxhiswa ni kuhuluka si nata ngu ka dimwani didhawa da Vajudha, kambe awe ni nyumba ya tate wako, mi na lova; se kona ti ziwa ngu mani, mwendo u tile ngu mbimo yiya ka mfumo wuwa ngu mhaka yiya kani?

Isaya 22:24

Va na hayeka txitimwi kwakwe wotshe wudhumo wa nyumba ya tate wakwe, makhukhu ni tiveleko, sotshe sikadyana, kukhukhela ka majingo kala ka mabhojela.

Isaya 22:25

Ka ditshiku dile, kuwomba Mkoma wa Mabutho a Tiyimbi, txipikiri txi txi nga bethelwa ka wukhalo wo tsana, txi na thaviswa; txi na gwandwa txi txiwa, ni sotshe sile si nga ti hayekilwe ka txona, si na pshwitimuka, nguko Mkoma a wombile.