Isaya 22:21 - Bhiblia Yo Sawuleka

²¹ Se ni na muambeka dibhaji dako, ni mtsanisa ngu libhande lako, ni ningela manzani kwakwe mfumo wako, se ene a na va tate ka vaaki va Jerusalema, ni ka nyumba ya ka Judha.

Isaya 22:21 Referans Kwoze

Genesisi 45:8

Ngu mhaka yeto, hi nganu mi nga ni rumela kheno, aniko Njizimu txi nga ni veka ni txi nga no va tate wa Faro, ni mthangeli wa nyumba yakwe yotshe, ni mfumeli wa ditiko dotshe da Egipta.

Esteri 8:15

Sekoko Mordhekayi a to khukha masoni ka mfumeli a di ambate syambalo sa wukoma sa mkuxe ni so basa, kambe a di ni m'bhoti wa hombe wa nzalama, ni dijasi da linyu yo hehuka da txiwunguwungu, se didhoropa da Susani di to kwangula di tsaka.

Esteri 8:2

Se mfumeli a to thavisa phera yakwe, yile a nga ti yi tekile ka Hamani e ninga Mordhekayi. Esteri a to veka Mordhekayi kuva mthangeli wa nyumba ya Hamani.

1 Samuwele 18:4

Se Jonatani a to thavisa dijasi dile a nga ti nado e ninga Dhavhidha, kumweko ni syambalo sakwe, ni ditxhari dakwe, ni wulaho wakwe, ni libhande lakwe.

Jobe 29:16

ni ti ti tate wa sisiwana, ni londisela timhaka ta vale ni nga si va zivi;

Ezekhiyele 23:15

na siwunu sawe si di sungiliwe, ni sigoko so anama msungoni kwawe, votshe va txi fanana ni vathangeli va yimbi, na va txi fanana ni vanana va Bhabhilona kona Kaldheya, eyo va nga velekelwa kona.