Isaya 22:18 - Bhiblia Yo Sawuleka

¹⁸ Ngu ditshuri a na ku rindilitela kufana ni bhola ka wukhalo wo anama, wa hombe ngutu; koneyo u na fela kona, kambe koneyo si na gumela kona sikotxikani sa wudhumo wako, i ku tingana ka nyumba ya nyamne wako.

Isaya 22:18 Referans Kwoze

Isaya 17:13

Nga toneto, matiko ma na dhuma, nga ti ma dhumisako tona mati amangi, aniko a na ma malata, se ma na tutuma me tsula kule; kambe ma na hangalaswa nga mwasi wa mmangoni, masoni ka moya, ni ku nga dibwinzi, masoni ka txihuhuri.

Amosi 7:17

Ngu toneto, Mkoma a womba tiya: Msikati wako a na geleza a di didhoropani, vanana vako vamahorana ni vanana vako va mazambi, va na wa ngu ditxhari, ditiko dako di na abaniswa ngu ngoti yo songa, awe u na fa ka ditiko do nyenyeza, aniko va Israyeli, ngu ditshuri va na tsuliswa wukhumbini, hahanze ka ditiko dawe.

Jobe 18:18

Ngu kuwonekelani va na mtshotsha txidemani, kambe va na mtutumisa ha ditikoni.

Masalmo 52:5

Ni txona Txizimu txi na kulovisa kala kupinduka. Txona txi na kuñola txi ku huka ha m'tini kwako; txona txi na kuthavisa mu ditikoni ka vohanya.

Isaya 22:17

Wona taku, Mkoma a na kurinza ngu mtamo ngutu, kufana ni wamwamna wa mtamo, a txi ku phutela do gwita.