Isaya 22:14 - Bhiblia Yo Sawuleka

¹⁴ Aniko Mkoma wa Mabutho a Tiyimbi, a wombile tinzeveni kwangu a txi khene: Ngu ditshuri, wubihi wuwa kha wu na mbi thaviswa, an'ze kuza mifa, kuwomba Mkoma, Txizimu txa Mabutho a Tiyimbi.

Isaya 22:14 Referans Kwoze

Ezekhiyele 24:13

Amu ka wubihi wako ku ni nduma yo biha, nguko ni ku sawulekisile, aniko awe khwa ti sawulekisa; khu na mbiswa u sawulekiswa ka wubihi wako, ngako ni si leki ku ku henyela.

Isaya 5:9

Mkoma wa Mabutho a Tiyimbi, a to khene tinzeveni kwangu: Ngu ditshuri tinyumba tatingi ti na maha marumbi, tinyumba ta hombe, totshura ti na pwata vathu.

1 Samuwele 3:14

Ngu toneto, ni xambanyete nyumba ya Eli, ti taku kuonha ka nyumba ya Eli kha ku na mbi dhuka kudivalelwa kambe, ngu miphaxo, hambi ngu mningelo wa sakudya.

Amosi 3:7

Ngu ditshuri, Mkoma Txizimu, a na mbi maha txilo na a sa kombisa txihunga txakwe ka sithumi sakwe, vaprofeti.

Isaya 30:13

Ngu mhaka yeto, wubihi wuwa kwanu, wu na nga diseta di di ku ni lifa, do humisa mrumbu kukhukhela txitimwi ngutu, adiya kuwa ka dona, ku nota ngu txidhukisa.

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

Isaya 13:11

Se ni na tsayisa mafu ngu mhaka ya kubiha ka ona, ni vabihi ngu mhaka ya sionho sawe, ni na heta kutikulisa ka va makolo, vanyamitamo ni vathu wo ti guleta ni na va veka hahatshi.

1 Samuwele 9:15

Nguko nyamnova ka kona, na Sawule a sanzi kuhoka, Mkoma a to zivisa Samuwele, a txi khene:

Isaya 31:2

Hambi keto kambe, nene ana ni wutxhari, a na tisa wubihi, kha na mbi tshumeta mapswi akwe; a na wukela nyumba ya vamahi va kubiha, ni sivhuno sa vale va mahako kubiha.

Isaya 65:7

sionho sanu, kumweko ni sionho sa vatate vanu, kuwomba Mkoma, avale va nga hisa dibaselo mimangoni, ni ku ni ruketela simangwanani; ngu mhaka yeto, ni na tshumela ni va pimela mithumo yawe ya kale, masoni kwawe.

Isaya 65:20

Ka dona kha ku na mbi maneka kambe mwanana wo hanya masiku amadotho, hambi txikosana txi txi no mbi hetisa masiku a txona, nguko mwana a na fa a ti ni 100 wa malembe, aniko muonhi wa 100 wa malembe a na ruketelwa.

2 Samuwele 6:23

Se Mikali mwana Sawule, kha veleka, kala ka ditshiku da kufa kwakwe.

Amosi 8:7

A xambanyile Mkoma ngu wudhumo wa Jakobe a khene: Kha ni na mbi yi divala yotshe mithumo yakwe, ngu ha ku si gwitiko.