Isaya 22:13 - Bhiblia Yo Sawuleka

¹³ Aniko wonani m'buso litsako; ka dawa tihomu ta mikati, ni tinvuta; kudyiwa nyama ni kuselwa vhinya, aniko kuwombwa tiya: He dyeni, hi sela, nguko mangwana hi na fa.

Isaya 22:13 Referans Kwoze

Isaya 56:12

Ngonani, kuwomba vona, he tiseni vhinya, kambe hi na sela wusuke wo bava; se ditshiku da mangwana di na fana ni dona diya, ni kuva da hombe, da nduma ngutu.

1 Vakorinto 15:32

Idiku kulwa kwangu ni sikakaka ditikoni ka Efesu ni to lwela nduma ya mafu dwe, ti ni vhuna txani toneto, ngako ku si nga ho kuwuka ka vafi kani? “He dyeni hi sela, nguko mangwana ha fa.”

Jakobe 5:5

Mi zumbile ha mafuni mi si thumi txilo, mi txi nonisa timbilu tanu, ti ti rinzelako ditshiku da kudawa.

Isaya 5:22

Dikhombo ka vale i ku tindena kuselani ka vhinya, ni vathu va va ku ni mtamo kupatelani ka wusuke wo bava ngutu.

Isaya 5:12

Sitende ni tiharipa ni singomana, ni titshodi, ni vhinya, siho mu ka mibuso yawe ya hombe, kha va khatali ngu mthumo wa Mkoma, hambi kuwona mithumo ya manza akwe.

Isaya 5:11

Dikhombo ka vale va wukako ni mixo ve londisela sa kusela, va selako kala ni wusiku, yiza vhinya yi txi va hisa.

Isaya 26:10

Hambi ku txi divalelwa m'bihi, kha ti mmahi e gonda wululamo, hambi ditikoni ka wululamo, ene a maha kubiha, kambe kha nga ni mhaka ni wuhombe wa Mkoma.

Isaya 29:1

Dikhombo ka Ariyeli, ka didhoropa da Ariyeli, adile Dhavhidha a nga veka ka dona wugovelo! Engetelani dilembe ni dilembe, kambe yi na ningetane mibuso.

Isaya 47:8

Konkuwa koko, engisa tiya, awe u tsakelako kutiphina, u tipfako u di zumbisekile, u wombako mbiluni kwako, u txi khawe: Ani ngani, hahanze kwangu, kuwalo mmwani; kha ni na mbi va noni, hambi kufelwa ngu vanana.

Isaya 58:3

Va txi kha vona: Se hi titonela txani sakudya, na u si hi woni kani? Hi txanisela txani muhefemulo wathu, na awe u si ti zivi kani? Wonani taku, ditshiku di mi ti tonako sakudya, mo mana ku ti tsakisa mipune, kambe mi lwela wotshe mthumo wanu.

Ezekhiyele 16:49

Wubihi wa mwananu Sodhoma ngu wuwa: Kutikulisa, kulondola sakudya, wukara wakwe ni vanana vakwe vamahorana; aniko kha zivi kuthumisa manza a txisiwana ni awule wo pwata so maha.

Hoseya 9:1

U nga tsake, awe Israyeli, u tshumela u ndaka-ndaka, kufana ni vathu; nguko u lekile Txizimu txako kufana ni digelegele; U randile kuholelwa ngu otshe mathala a fulaho.