Isaya 22:1 - Bhiblia Yo Sawuleka

¹ Mahungu a mkova wa Txiwoniso. Wo va ni txani konkuwa, koza u kwela txitimwi ka tinyumba kani?

Isaya 22:1 Referans Kwoze

Jeremiya 21:13

Hi nga wona, ni ni txisolo ni nawe wo zumba mkovani, awe dirigwi da libalani, kuwomba Mkoma; ni ni mhaka ni nanu mi ku khanu: I mani a no relela e ta hi wukela kani? I mani a no wulela dizumboni kwathu kani?

Masalmo 125:2

Kufana ni mimango yi randelako Jerusalema, ngu toneto Mkoma a randete vathu vakwe, konkuwa ni yotshe mbimo.

Joyeli 3:14

Mabutho, ni mabutho, mkovani ko Tsanisa! Nguko ditshiku da Mkoma di hafuhi, mkovani ko Tsanisa.

Joyeli 3:12

ma na khukhe ma txi ema matiko ma naye mkovani ka Josafati; nguko ni na khalahatsha koneyo ni lamula otshe matiko a madhawani

Isaya 15:3

Va ambate masaka tinzilani ka hombe; txitimwi ka tinyumba tawe, ni mitendelani kwawe, votshe va keta, kambe va dila ngu txiviti.

Varoma 3:2

Kasi wukwera wu vhuna txani? Wa vhuna ngutu ngu otshe madhawa. Mhaka yo khata ngu kuwa sithembiso sa Txizimu si nga vekwa manzani kwawe.

Mika 3:6

Ngu toneto, ku na maha wusiku kwanu, kuva ku si maneki wuprofeti, kambe ku nava ni txidema kuva ku si maneki wuhuti, evo vaprofeti di na va swela ditambo, se kwawe ditshiku di na maha da mtima.

Jeremiya 48:38

Txitimwi ka totshe tinyumba ta Mowabhi ni mu ka tinzila takwe ta hombe ku na vaho tihuwa ta hombe; nguko ni fayile Mowabhi nga fuko ya kwa mbi tsakisa, kuwomba Mkoma.

Isaya 13:1

Mahungu ya ma nga woniswa Isaya mwana Amosi, madingano ni Bhabhilona.

Mavingu 29:18

Aha ku pwatekako ditshuri, vathu mbanyammahe dwe; kambe awule a vekisako mlayo, eyo a katekile.

Masalmo 114:5

Awe linene, nji txani txi ku mahako u tutuma kani? Awe Jordhani, ngu kutxani u tshumelela msana kani?

2 Vafumeli 6:28

Mfumeli a to mu wotisa ku khene, kasi nji txani kani? Se wamsikati a nje khene: Awu wa wamsikati dimwani ditshiku a to khene: Naheta mwanana wako nyamsi hidya, mangwana hi nata dya wangu.

2 Samuwele 14:5

Se mfumeli a to m'gela ku khene: Wo va ni txani kani? Se ene a to khene: Ngu ditshuri ani ni wamsikati wa noni, ni fetwe ngu mwamna.

1 Samuwele 11:5

Ka mbimo yoneyo Sawule a ti wuya ngu thembweni, ngu msana ka tihomu; se a txi khene: Ku to maheka txani aku vathu va dilako kani? Se va to mtxhamusela mapswi a vathu va Jabhesi.

1 Samuwele 3:1

Se mfana Samuwele a ti ti thumela Mkoma masoni ka Eli. Se ka masiku oneyo dipswi da Mkoma di ti txiva ngutu; ni siwoniso si singaho.

Valamuli 18:23

Se va to kwangula, va di msana ka vanana va ka Dhani, se va ka Dhani va to tshembereka va txi kha vona ka Mika: “Njitxani u ku natxo, kuza u ramba vathuvo kani?”

Dhewuteronome 22:8

Ngako u txi aka nyumba ya yiphya, u na bhiyela liangwa la kona; kasi ku nyumba yako yi si ku manisi mnandu wa mnoha, ngako ku txi wa m'thu ngu txitimwi ka yona, a txi fa.

Genesisi 21:17

Txizimu txi to engisa kudila ka mwanana, se Ngelozi ya Txizimu, yi di nzumani, yi to dhana Hagari yi txi kha yona: “Njitxani u ku natxo awe Hagari kani? U nga thave, nguko Txizimu txi engisile kudila ka mwanana, txi di ka wukhalo wa txona.

Matewu 10:27

Ati ni mi gelako txidemani, ti wombeni kuwonekelani ka mitshikari; ani ti mi lengelwako tinzeveni kwanu, ti nuweleni txitimwi ka siroro sa tinyumba.”

Isaya 22:5

Nguko ditshiku da xomulo, ni da tingana, ni da pfilu-pfilu, ngu dona diya da kuta ngu ka Mkoma, Txizimu txa Tiyimbi, mkovani ka Txiwoniso: Kukhundumuswa ka maguma, ni huwa yo hoka ni mimangoni.

Jeremiya 19:13

Tinyumba ta Jerusalema ni tinyumba ta vafumeli va ka Judha, ti nava ni nzambwa, nga wukhalo wa Tofeti; kumweko ni tinyumba ti di nga hiselwa txitimwi ka tona dibaselo ka dotshe dibutho da nzuma, eho va nga ningela miningelo ya so sela ka simwani sizimu.

Jeremiya 32:29

Vakaldheya va randelako didhoropa diya, va na wulela ka dona va txi di hisa ngu mndilo, va txi hisa ni tinyumba totshe ati ku hiselwako ka tona mabaselo a Bhahali, ni kuningela miningelo ya kusela ka simwani sizimu, va txi ni henyisa.

Jeremiya 32:32

Ngu mhaka ya wubihi wotshe wa vanana va ka Israyeli ni vanana va ka Judha, awu va nga wu maha kasi ku ni henyisa, vona ni vafumeli vawe, ni vathangeli vawe, ni vaphaxeli vawe, ni vaprofeti, ni vathu va ka Judha ni vaaki va Jerusalema.

Zefaniya 1:5

ni va va khizamelako dibutho da nzuma va di txitimwi ka tinyumba; ni vale va namako ve xambanya ka Mkoma, ni kuxambanya ngu Malikami;