Isaya 21:7 - Bhiblia Yo Sawuleka

⁷ “Se ngako wu txita mtxawa wu di gadhile mahantxhi ngu vambidi-vambidi, mtxawa wa timbongola ni mtxawa wa makamelu, ene a na engisele kha kwati ngu kutiwonela ka hombe.”

Isaya 21:7 Referans Kwoze

Isaya 21:9

Se wonani konkuwa, wata mtxawa wa vavamna ni vagadhi va mahantxhi ngu vambidi-vambidi. Sekoko, a to xamula a txi khene: “Di wite ditiko da Bhabhilona, di wite!” Se sotshe sifananiso sa sizimu sawe so vatwa, si fayekete ha mafuni.

Vahebheru 2:1

Ngu toneto, hi fanete kuengisisa ta tinene timhaka ti hi nga tipfa, kasiku hi si timeli nzila.

Isaya 37:24

Ngu sithumi sako, u sote Mkoma u txi khawe: Ngu sikotxikani sangu sasingi, ni kwelete titshokani ka mimango, madhawani ka Libhanoni; kambe ni na gangela mikedhari yakwe yo lapha, ni mikhure ya kona yo tshura, ni na hoka tshokani ka kona ko guleka ngutu, ka txitinga txa thembwe yakwe yo nona.

Jeremiya 17:24

Ngako koko, mi txi ni engisa, kuwomba Mkoma, mi si wuleti mirwalo sidingeni ka didhoropa diya ngu ditshiku da Sabbata, kambe mi sawulekisa ditshiku da Sabbata, mi nga thumeni mthumo ngu dona;