Isaya 21:4 - Bhiblia Yo Sawuleka

⁴ Mbilu yangu yi vhilukile, na dhudhumela ngu kuthava; kuswa ka ditambo ni nga ti kulava, ku ni mahile ni dhudhumela.

Isaya 21:4 Referans Kwoze

Nahume 1:10

Nguko, hambi i di ku vo tshunganela ku nga mipa, va txi kolwa ngu vhinya ku nga madevi, va na hetwa votshe kufana ni mwasi wa kuoma.

Dhaniyeli 5:5

Ngu mbimo yoneyo, ku to woneka titiho ta dianza da m'thu ti txi bhala, masoni ka phande ya malambu, ka diseta do basa da nyumba ya wukoma; se mfumeli a ti ti wona dianza di di nga ti bhala.

Dhaniyeli 5:1

Mfumeli Bhelxazari a to maha m'buso wa hombe, e ramba 1.000 wa vahombe vakwe, e sela vhinya masoni kwawe.

Jeremiya 51:57

Ni na levisa tinduna takwe ni titxhari takwe, ni vathangeli va tiyimbi, ni vafumeli vakwe, ni tindena takwe; va na mana wukohe wo mbi guma, kha va na mbi wuka, kuwomba Mkoma, awu ditina dakwe i ku Mkoma wa Mabutho a Tiyimbi.

Jeremiya 51:39

Aha va no vhutuka ni na va ninga wusuke wawe, ni na va levisa, va na ndaka-ndaka, aniko va na otela wukohe wa kwa mbi gwita, kha va na mbi wuka, kuwomba Mkoma.

Esteri 5:12

A to khene kambe Hamani: Msikati wa mfumeli ene Esteri ni ka kudotho kha ramba mmwani m'thu kuta ni mfumeli ka m'buso wule a nga ti wu lulamisete, hahanze kwangu; ni mangwana kambe, ni rambilwe ngu ngene kumweko ni mfumeli.

Dhewuteronome 28:67

Ni mixo u na womba u txi khawe: “O! I ti ku do swa ditambo!” Ni minova u na womba u txi khawe: “O! I ti ku ko maha mixo!” Ngu mhaka ya sidiwukiso si u no si wona ngu maso ako.

Dhaniyeli 5:30

Ka wona wusiku wule, Bhelxazari, mfumeli wa Vakaldheya a to dawa.

Dhewuteronome 32:11

Kufana ni ngungwa yi wonelelako txisaka txa yona, ayi yi purumako ngu txitimwi ka mavondo a yona, yi pakata mavhondo txitimwi ka mabhapi a yona,

Masalmo 55:5

Dizowa ni kudhudhumela si ni kamile ngutu; ni fenengetilwe ngu txidema.

1 Vafumeli 1:49

Sekoko, va to dhudhumela ve khukha votshe vale va nga ti rambilwe, va va nga ti ni Adhoniya; mmwani ni mmwani a to teka nzila yakwe.

Masalmo 55:6

Se ani ni ti khani: I ti ku no mana mabhapi nga txituvani, ni ndi na puruma ni ya zumba kule ni humula!

Jeremiya 4:19

Mbiluni kwangu, mbiluni kwangu! Ni ni kupandiseka mbiluni kwangu! Mbilu yangu ya bhibhika-bhibhika, kha ni sikoti kumalala; nguko dihika dangu di pfite txiwungulati txa mpundu, ni tihuwa ta tiyimbi.