Isaya 21:3 - Bhiblia Yo Sawuleka

³ Ngu toneto, txiwunu txangu txi taletwe ngu kupanda ka hombe; kupandiseka ku ni ñote ku nga kupandiseka ka wule a lumwako; na xaniseka ngutu, aha ko kha ni sikoti ni kuengisa, ni dhukile ngutu, kha ni sikoti ni kuwona.

Isaya 21:3 Referans Kwoze

Isaya 13:8

Se va na dhukiswa ve thava, va txi guma mtamo, ve xanisekisa ku nga wamsikati a di hafuhi ni kuveleka; va na wonana, ve xamala, ve dhunuka, ngu kuthava.

Isaya 26:17

Nga wamsikati wa txirumbu, ngako yi di hokile mbimo yakwe, a ni kupanda ko lava kuveleka, kambe wa peka huwa kupandisekani kwakwe, hi mahile toneto nathu, ngu kulava khohe yako, awe Mkoma!

Masalmo 48:6

Va to telwa ngu dizowa va txi pandiseka kufana ni wamsikati wu a lumwako ngu txirumbu;

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Jeremiya 48:41

Ma tekwa madhoropa, ni kurandelwa mikhokhola: Yi na va mbilu ya tindena ta Mowabhi, ka dona ditshikwedo, ku nga mbilu ya wamsikati wu a diliswako ngu kupanda.

Isaya 16:11

Ngu mhaka yeto, masembe angu ma tuma, ngu mhaka ya Mowabhi, kufana ni txitende, ni mndani kwangu, ngu mhaka ya Kiri-Heresi.

Habhakuki 3:16

Ni di ti engisile ani, mndani kwangu kudhuka, ngu dipswi dakwe txisofu txangu txi dhudhumete; kuwulete kusina marambuni kwangu, se ni dhudhumela mndani kwangu; na humula ani ka ditshiku do pandiseka, ngako ni txi nata lwa ni vathu vale va nota hi hoxota.

Jeremiya 50:43

Mfumeli wa Bhabhilona a pfite nduma yawe, se ma so hololo manza akwe, e ñolwa ngu xomulo, kupanda, nga ka wamsikati a hefemulako.

Jeremiya 49:22

Hi nga wonani ti to wata, a txi puruma ku nga digama, a na nawuluta tibhapi takwe txitimwi ka Bhozira; ni mbilu ya tindena ta Edhomi, ka dona ditshiku dile, yi na nga mbilu ya wamsikati wu a lumwako!

Isaya 16:9

Ngu toneto, ni na dila ngu madilelo a Jazeri, i ku m'vhinya wa Sibhima; ni na ku nakanisa ngu mirongo yangu, awe Hesibhoni, ni Eleyale, nguko litsako la hombe la mihando yako ya malanga, ni la kuelula kwako, li mwalate.

Isaya 15:5

Mbilu yangu ya dila ngu mhaka ya Mowabhi; vahombe vawe va tutumile veya Zowari, kufana ni dirole da malembe mararu, nguko va dila va txi kwelela Luwiti, nguko, nzilani ka Horhonayi, va wusa kudila ka hombe ngutu.

Dhewuteronome 28:67

Ni mixo u na womba u txi khawe: “O! I ti ku do swa ditambo!” Ni minova u na womba u txi khawe: “O! I ti ku ko maha mixo!” Ngu mhaka ya sidiwukiso si u no si wona ngu maso ako.

Johani 16:21

Wamsikati, txikhati txi a lavako kuhefemula, wa xaniseka, nguko yi hokile mbimo yakwe; aniko msana ka kuhefemula mwanana, kha ku alakanyi kambe kuxaniseka, ngu litsako li a li pfako la kuvelekwa ka m'thu ha mafuni.

Jeremiya 4:19

Mbiluni kwangu, mbiluni kwangu! Ni ni kupandiseka mbiluni kwangu! Mbilu yangu ya bhibhika-bhibhika, kha ni sikoti kumalala; nguko dihika dangu di pfite txiwungulati txa mpundu, ni tihuwa ta tiyimbi.

Jeremiya 6:24

Hi pfite nduma yawe, mawoko athu ma guma mtamo; hi tetwe ngu msanekera, ni kupanda nga ka wamsikati wu a lumwako.