Isaya 21:15 - Bhiblia Yo Sawuleka

¹⁵ Nguko va tutuma masoni ka matxhari, masoni ka ditxhari da kwa mbi phutelwa, ni masoni ka wulaho ni tingove, ni masoni ka yimbi yo thisa.

Isaya 21:15 Referans Kwoze

Isaya 13:14

Mmwani ni mmwani a na fana ni mhoti yi yi tutumiswako, va txi nga tivunta to pwata m'dyisi; mmwani ni mmwani a na tshumelela ka va ka kwawe, votshe va na tutumela ditikoni kwawe.

Isaya 13:15

Votshe vale va no manwa va na pindiswa, ni votshe vale va no ñolelwa va na dawa ngu ditxhari.

Isaya 17:13

Nga toneto, matiko ma na dhuma, nga ti ma dhumisako tona mati amangi, aniko a na ma malata, se ma na tutuma me tsula kule; kambe ma na hangalaswa nga mwasi wa mmangoni, masoni ka moya, ni ku nga dibwinzi, masoni ka txihuhuri.

Isaya 22:3

Votshe vathangeli vako va tutumile kumweko, va ñotwe ngu va nyamalaho; votshe vale va nga manwa kwako, va sungilwe kumweko, aniko va tutumile veya kule.

Isaya 31:8

Se Asiriya a na wiswa ngu ditxhari, na i si nga ngu m'thu; ditxhari di di si lumbiko m'thu di na mlovisa, kambe a na tutuma masoni ka ditxhari, ni mazambi akwe ma na xulwa.

Isaya 33:3

Vamatiko va txipfa diguwa dako, vo tutuma; u txi wuka, matiko mo hangalaka.