Isaya 21:1 - Bhiblia Yo Sawuleka

¹ Mahungu a txiwula txa linene. Kufana ni sihuhuri sa Wulambwe, si wisetela sotshe, a nata ngu txiwulani, ka ditiko do thisa.

Isaya 21:1 Referans Kwoze

Isaya 14:23

Ni na di maha wukhalo wa sikhovha, ni txiziva txa mati a kusina, na di hiyela ngu diphiyelo di di lovisako, kuwomba Mkoma wa Mabutho a Tiyimbi.

Jeremiya 51:42

Linene li gulekile kupinda Bhabhilona, li txi mfenengeta ngu mavimbi amangi.

Isaya 13:1

Mahungu ya ma nga woniswa Isaya mwana Amosi, madingano ni Bhabhilona.

Zakariya 9:14

Mkoma a na wonwa txitimwi kwawe, tingove takwe ti na huma kufana ni nyangafula; Mkoma Txizimu a na pfalisa mpundu, kambe a na tsimbila ni sihuhuri sa Wulambe.

Isaya 17:1

Mahungu a Dhamasku. Wona taku Dhamasku a na thaviswa, kha na mbiswa e maha didhoropa, aniko a na maha mmumbu wa marumbi.

Dhaniyeli 11:40

Se ngu magwito ka mbimo, mfumeli wa Wulambwe a na lwa nayo, kambe mfumeli wa Wuphemba a na mtutumisa ngu sikotxikani, ni vagadhi va mahantxhi, ni sitimela so tala; se a na wulela ka matiko a txi ma fenengeta e pinda.

Ezekhiyele 31:12

Se vamatiko, avale vo karata ngutu hagari ka matiko, va to wu wila va txi wu leka; madhavi a kona ma wite txitimwi ka mmango, ni ka yotshe mikova, aale ma thungako ma phatuletwe, ka sotshe sinambwana sa ditiko; se votshe vathu va ha mafuni va to khukha ka mtsudi wa kona.

Ezekhiyele 30:11

Ene kumweko ni vathu vakwe, i ku va mtamo ngutu hagari ka matiko, va na ya khundumusa ditiko da Egipta; va na swomola matxhari awe, ve wukela Egipta, ditiko di na tala ngu sirumbi.

Jobe 37:9

Txihuhuri txi khukhela wuphemba, se pheho yi txi ta ngu wutxani.

Isaya 5:28

Tingove tawe ti na hinda ngutu, ni malaho awe otshe ma dombilwe; sitsendo sa mahantxhi awe si fana ni marigwi, madangarita a sikotxikani sawe ma fana ni txihuhuri.

Ezekhiyele 1:4

Ni to wonisisa, ni wona moya wa txihuhuri txa mtamo ngutu wu txi ta ngu Wuphemba, ni direfu da hombe, ni mndilo wu wu nga ti renzelekela, ni kuphatima madhawani ka kona, se ngu hagari ku ti ti ni txo fana ni koporo, txi nga ti ti huma ngu hagari ka mndilo.

Ezekhiyele 38:9

Sekoko u na kwelela, u txi ta ni txihuhuri, u na nga direfu, kasi kufenengeta mafu, awe ni otshe masotxhwa ako, u di ni vathu votala.

Isaya 13:13

Ngu toneto, ni na dhudhumelisa nzuma, ni mafu ma na khukha ha wukhaloni ka ona, ngu mhaka ya kuhenya ka Mkoma wa Mabutho a Tiyimbi, ngu ditshiku da kuhenya kwakwe.

Isaya 14:1

Nguko Mkoma a na pfela wusiwana Jakobe, kambe a na sawula Israyeli, a txi mu veka ditikoni kwakwe. Valuveli va na va kumweko navo, va txi namarela ka nyumba ya va ka Jakobe.

Isaya 14:14

Ni na kwela txitimwi ka marefu, kambe ni na fana ni Nyatxitimwi.

Isaya 47:1

Txhika u khalahatsha ha lithuluni, awe wotuma, mwanana wa muhorana wa Bhabhilona; khalahatsha hahatshi; kha ku ngadi ni txitulu txa wukoma, awe mwanana wa muhorana wa Vakaldheya, nguko khu na mbiswa u dhanwa ku umnene, niku u tshurile.

Jeremiya 51:1

Mkoma a womba tiya: Wonani ti to ni na wusa moya wu wu no khundumusela Bhabhilona, ni vaaki va kona, avale va ni lwisako.

Jeremiya 51:51

Mi na khanu: Hi thetwe tingana, nguko hi pfite txiruko; tingana ti fenengetile tikhohe tathu, nguko vamatiko va wulete makhaloni ko sawuleka a Nyumbani ka Mkoma.