Isaya 20:4 - Bhiblia Yo Sawuleka

⁴ ngu kumaha keto, mfumeli wa Asiriya, a na teka va va nga ñolelwa ditikoni ka Egipta ni Etiyopiya, majaha ni vo kumba, a txi va yisa wukhumbini, va na tsula i di simbwiri, va sa ambala txilo mikondoni, va sa ti pambiyeta txilo, njikombiso txa tingana ka Egipta.

Isaya 20:4 Referans Kwoze

Isaya 19:4

Se ni na ningela Vaegipta manzani ka m'thu wo karata ngutu, va na fumelwa ngu mfumeli wo xupha ngutu, kuwomba Mkoma, Mkoma wa Mabutho a Tiyimbi.

Jeremiya 13:26

Ngu konaho, ni na guleta txiambalo txako kala khoheni kwako, ti taku ku txi woneka tingana tako.

Jeremiya 13:22

Ngako u txi womba mbiluni kwako, u txi khawe: “Ti tisa kutxani kwangu ta ku nga tiya kani?” Ziva ti to u vhunungutwe syambalo sako, ngu mhaka ya kubiha kwako ka hombe, ni sizenende sako si pekilwe.

Mtuletelo 3:18

Na kulaya ti to u ta xava kwangu nzalama yo tshuriswa ngu mndilo, kasiku u txi maha nyatithombe, u xava syambalo so basa, kasiku u ti fenengeta ti to ku si woneki tingana ta wusakato wako, ni mafura o tota maso ako, kasiku u wona.

Mika 1:11

Pinda awe u hanyako Safiri, ni tingana tako ta kwa mbi ambala txilo; awule a zumbako Zahana kha huma; huwa ya Bheti-Ezeli yi na mi tutumisa mi huma ditikoni kwanu.

Ezekhiyele 30:18

Aniya Tafinesi ditshiku di na phuma, mbimo yi ni no funyeletela makange a Egipta, me guma matshanza a mtamo wakwe; direfu dokari di na fenengeta Egipta, se vanana vakwe vamahorana va na va wukhumbini.

Jeremiya 46:26

Ni na mningela manzani ka vale va mlavako ku m'daya, i ku manzani ka Nebhukodhonosori, mfumeli wa Bhabhilona, ni manzani ka sithumi sakwe; se msana keto, ku nava ni vo zumba, nga masiku a kale, kuwomba Mkoma.

Isaya 47:3

Tingana tako ti na vhunungulwa, se ku na wonaneka wumbwiri wako; ni na phota, kha ni na mbi siya m'thu ni wammweyo.

Isaya 3:17

Ngu toneto, Mkoma a na peka misungo ya mahorana a Siyoni, Mkoma a na vhunungula wumbwuri wa ona.

2 Samuwele 10:4

Sekoko Hanumi a to teka sithumi sa Dhavhidha e si kuyula maletu a didhawa dimwedo, e wila syambalo sa sona kukhukhela hahatshi kala txiwununi, se e si tovela.

Isaya 47:2

Teka txigayo u gaya mpupu; thavisa difaduku ha msungo, thavisa ni tikathula, kunya tinguwo tako u txhatuka minambo.

Jeremiya 46:19

Ti longisele kuya wukhumbini, awe muaki, m'horana wa Egipta: Nguko Nofe, Memfisi, a na hasamulwa a txi hiswa, kha ku na mbi maneka hambi ni wo zumba.

Amosi 9:7

Ina hi nga anu vanana va ka Israyeli kwangu, nga vanana va Vaetiyopia kani? Kuwomba Mkoma. Ina kha na kwelelisa vanana va ka Israyeli ngu ditikoni ka Egipta, ni Vafilista ngu Kafitori, ni Vasiriya ngu Kiri kani?

Nahume 3:10

Hambi keto, dona di tekilwe di tsula wukhumbini; vanana va dona va phatuletwe amu ka totshe tinzila ta hombe, se txitimwi ka vathaviseki vawe va to xaxuva tixolo, ni votshe vahombe vawe va sungilwe ngu titxhini.

Zefaniya 2:12

Se nanu va Etiyopiya, mi na dayelwa ngu ditxhari dangu.

1 Makronika 19:4

Ngu kumaha keto, Hanumi a to teka sithumi sa Dhavhidha, e si kuyula misisi, a txi vharulela syambalo sa sona ngu hagari kala minengeni, e si tovela.

Isaya 31:2

Hambi keto kambe, nene ana ni wutxhari, a na tisa wubihi, kha na mbi tshumeta mapswi akwe; a na wukela nyumba ya vamahi va kubiha, ni sivhuno sa vale va mahako kubiha.

Isaya 31:3

Nguko Vaegipta mbathu, hi nga Txizimu, ni mahantxhi awe i nyama, hi nga moya. Se mbimo yi Mkoma a no guleta diwoko dakwe, votshe va na wa hahatshi, m'vhuni ni wu a vhunwako, votshe va na loviswa kumweko.