Isaya 20:3 - Bhiblia Yo Sawuleka

³ Sekoko Mkoma a to khene: Nga kule Isaya txithumi txangu, a nga tsimbila-tsimbite malembe mararu i di txibwiri, asi nga ni tikathula mikondoni, njikombiso txo xamalisa, txa dikhombo, txitimwi ka Egipta, ni txitimwi ka Etiyopiya,

Isaya 20:3 Referans Kwoze

Isaya 8:18

Ngani wuwa, ni vanana va Mkoma a nga ni ninga, kuva sikombiso, ni sixamaliso, kona Israyeli, ngu didhawa da Mkoma wa Mabutho a Tiyimbi, awu a zumbako mmangoni ka Siyoni.

Isaya 43:3

Nguko ani ngani Mkoma Txizimu txako, Msawuleki wa Israyeli, Mtxhatxhisi wako; ni ningete Egipta kuva mtxhatxhisi wako, ni Etiyopiya, ni Sebha, ka wukhalo wako.

Isaya 37:9

Se mfumeli a ti pfite taku Tiraka, mfumeli wa Etiyopiya, a humile kasi kuya mlwisa. Ngako a di ti pfite eto, a to rumela mitumi ka Ezekhiya, a txi khene:

Mitengo 14:34

Nga ha mi nga heta mune wa magumi a masiku ngu kuxola ditiko, konkuwa mi na heta kambe mune wa magumi a malembe; nguko dilembe dimwedo di dingana ditshiku, kasi mi tiziva tito, kuhambana kwangu ni nanu nga kutxani!

Ezekhiyele 4:3

Aniko, awe lava dipani da simbi, u txi di maha diguma hahanze, hagari kwako ni didhoropa, se u txi di rendekela; di na randeliswa eto, u na di randela; eto ti na maha txikombiso ka nyumba ya ka a Israyeli.

Ezekhiyele 12:6

U na si pakata na va txi kuwona, kambe u na si thavisa ku di phumile, na u di tsivile khohe, kasi ku u si woni mafu; nguko ni ku ningete ku va txikombiso txo xamalisa, nyumbani ka Israyeli.

Ezekhiyele 30:6

Mkoma a womba tiya: Va na wa ni vona vale va emelako Egipta, se matshanza a mtamo wawe ma na boxa; kukhukhela Migidholi kala Seveni, eyo va na wiswa ngu ditxhari, kuwomba Mkoma Txizimu:

Zakariya 3:8

Engisa koko, awe Joxuwa, mphaxeli wa hombe, awe ni vangana vako, vale va nga khalahatsha masoni kwako, nguko mbavamna va mapimo amanene; wona taku ni na tisa txithumi txangu, atxi i ku kuthunga.

Isaya 19:4

Se ni na ningela Vaegipta manzani ka m'thu wo karata ngutu, va na fumelwa ngu mfumeli wo xupha ngutu, kuwomba Mkoma, Mkoma wa Mabutho a Tiyimbi.

Jeremiya 13:1

Mkoma a ti khene kwangu: Tsula u txi ya ti xavela libhandi lo tshura, u sunga txiwununi kwako, na u sa li beta matini.

Ezekhiyele 4:1

Txizimu txi ti kha txona: Awe mwanana wa m'thu, teka txitini, u txi txi veka masoni kwako, u bhala ka txona didhoropa da Jerusalema.

Ezekhiyele 30:4

Se ku nata ditxhari ka Egipta, kambe Etiyopiya ku nava ni kupandiseka ka hombe, mbimo yile va no wa vale va no dayetelwa Egipta; ni kutekwa dibutho, ku txi khundumuswa sitsaniso sa kona.

Zefaniya 2:12

Se nanu va Etiyopiya, mi na dayelwa ngu ditxhari dangu.