Isaya 2:9 - Bhiblia Yo Sawuleka

⁹ Koneho, vathu va na namiswa, tinganakana ti na vekwa hahatshi; ngu toneto kha va na mbi divalelwa.

Isaya 2:9 Referans Kwoze

Isaya 5:15

Sekoko tinganakana ti na xowoka, ni va va ti guletako, va na wa. Ni maso a vale va ti guletako, ma na wiswa tingana.

Varoma 3:23

Votshe va onhile, va tsivetwe kasiku va si woni kuphatima ka Txizimu.

Marku 3:29

Aniko awu a rukako Moya wo Sawuleka, txima kha na mbi divalelwa. Ana ni txionho txo mbi na magwito.”

Isaya 27:11

Mbimo yile madhavi a kona ma no oma, ma na funywa; vavasikati va nata ma dhivela, nguko vathu vava, hi nga vathu vo pfisisa; ngu toneto, wule a nga m'va nga kha na mbi mpfela wusiwana, ni wule a nga muwumba, kha na mbi va mahela wumbilu.

Nehemiya 4:5

U nga fenengete wubihi wawe, kambe si nga pfhutwe masoni kwako sionho sawe, nguko va ku henyisile masoni ka vaaki.

Joxuwa 24:19

Sekoko Joxuwa a to khene ka vathu: “Kha mi na mbi sikota kuthumela Mkoma, nguko ene i Txizimu txo Sawuleka, Txizimu txo khatala, atxi txi no mbi sikota kutimisela ngu kueyisa kwanu ni sionho sanu.

Vakolosa 2:23

Kha ditshuri sona si woneka nga wuzivi, nguko si tsimbilelana ni wukhongeli wo ti lavela, kutiveka hahatshi, ku ti tsayisa mmidi, kambe totsheto kha ti vhuni txilo, i si nga kutsakisa nyama dwe.

Jeremiya 18:23

Aniko, awe Mkoma, wa txi ziva txikungo txawe, txo xota ku ni daya. U nga divalele wubihi wawe, hambi kupfhita txionho txawe masoni kwako. Va na humbwe va txi wa masoni kwako, va mahele eto ngu mbimo ya kuhenya kwako.

Isaya 57:9

Se uya ka mfumeli ni mafura, kambe wa andisa mafura ako o bhumula; wa rumela sirumwa sako si txi ya kule, kambe wa va ruma kala Xeyoli.

Masalmo 62:9

Kha ditshuri, vathu va hahatshi mbukanganyisi, se vathu va dihanyo do guleka mba makuhu; va txi vekwa votshe ha txikaloni, kha va nemeli kupinda wukanganyisi.

Masalmo 49:2

vanyatithombe mwendo sisiwana, anu va mtamo mwendo sikulungu.

Vakolosa 2:18

M'thu a nga thuke e mi tekela hakhelo yanu ngu kutsakela wukhozeli wa makuhu ni kukhizamela tingelozi ngu kukholwa ngutu ka miloro yakwe, a txi ti guleta ngu sa walo, ngu mialakanyo yakwe ya ta mmidi;

Masalmo 59:5

Awe koko Mkoma, Txizimu txa Mabutho a Tiyimbi, Txizimu txa Israyeli, wuka u tsayisa otshe matiko: U ngave ni wumbilu ka ni wihi wa votshe vale va mahako kubiha.

Isaya 5:16

Aniko Mkoma wa Mabutho a Tiyimbi a na guletwa ngu kululama, se Txizimu txo Sawuleka, txi na sawulekiswa ngu wululamo.