Isaya 2:8 - Bhiblia Yo Sawuleka

⁸ Kambe ditiko dawe di tate ngu sithombe so vatwa; va khizama masoni ka mthumo wa manza awe, masoni ka sile si nga mahwa ngu titiho tawe.

Isaya 2:8 Referans Kwoze

Mtuletelo 9:20

Vamwani vathu va nga mbi dawa ngu sixaniso siya, kha va nga hunduluka ka mithumo ya manza awe, ti to ve leka kukhozela madhimoni, ni sithombe sa nzalama ni silivela ni simbi ya disotxe ni sa dirigwi ni sa mindonga, asi si sikotiko kuwona, hambi kuengisa mwendo kutsimbila.

Jeremiya 2:28

Sekoko si hani sizimu sako asi u nga ti mahela kani? Hi nga si leka si txi ema, hi wona ngako si txi sikota ku kuhanyisa ka mbimo ya makhombo! Nguko sizimu sako si dingana ni mtengo wa miti yako, awe Judha.

Isaya 37:19

Kambe va rinzile ha mndiloni sizimu sa ona; nguko i si nga sizimu, aniko i ti mithumo ya manza a vathu, yo mahwa ngu mapulango ni marigwi; ngu mhaka yeto, va si khundumusete.

Mithumo 17:16

Ngako Paulo a di ngadi a txi va wonelela Atena, moya wakwe wu txi pandiseka ngu kuwona didhoropa di di tate ngu sithombe si si khozelwako.

Hoseya 14:3

Asiriya kha na mbi hi hulukisa, kha hi na mbi tsula hi di gadhile mahantxhi, ka mithumo ya manza athu, kha hi na mbi womba kambe ku khathu: Awe u Txizimu txathu; nguko ngu ngawe, awule wo felwa ngu vaveleki, a na mahelwa wumbilu.

Hoseya 13:2

Se konkuwa va engetete sionho, ngu silivhela yawe va mahile txifananiso txo tshulwa, i ku sithombe madingano ni wutxhari wawe, sotshe mithumo ya mtshuli, va ku kha vona ngu sona: Vathu vale vaphaxako va nyunta marole.

Hoseya 12:11

Ina Gileyadhi hi nga ene wubihi kani? Vona kha va vhuni txilo ngu ditshuri; Kona Giligali va daya tihomu; siluvelo sawe si fana ni mimumbu ya marigwi, madhawani ka tithembwe.

Jeremiya 11:13

Nguko mtengo wa sizimu sako wu dingana ni wa madhoropa ako, awe Judha! Mi emisile magandelo a tingana me dingana ni tiruwa ta mu Jerusalema: I ku siluvelo so hisela kona dibaselo ka Bhahali.

Isaya 57:5

mi ti futumetako ngu sithombe hahatshi ka yotshe mindonga yo nakana, mi phaxa ngu vanana sinambwanani, ni tiphakoni ka marigwi, kani?

Isaya 17:8

Se kha na mbi wonetela siluvelo, i ku mthumo wa manza akwe, mwendo kuwonetela si si nga mahwa ngu titiho takwe, hambi ka sithombe sakwe so vatwa, ni sifananiso sa ditambo.

2 Makronika 27:2

Se a to maha ti i ngadi ta tinene masoni ka Mkoma, a to maha totshe ku nga tile a nga mahisa tona tate wakwe Uziya, futhi kha wulela ka mithumo ya dithepeleni ka Mkoma, vathu va to ya masoni ngu kuonha.

Dhewuteronome 4:28

Koneyo mi na ya khozela sizimu so mahwa ngu manza a vathu, sa mapulango ni sa marigwi, si si woniko mwendo kuengisa, kudya mwendo kupfa kubhumula.

Hoseya 8:6

Nguko edo ngu dona dirole do mahwa ngu Israyeli; mtshuli a ngadi maha, hi nga Txizimu. Aniko dirole da Samariya di na funyetelwa di maha sihwika.

1 Vafumeli 16:7

Ngu kumaha keto, di tile kambe dipswi da Mkoma, ngu ka mprofeti Jehu, mwana Hanani, do wukela Bhahasa ni nyumba yakwe; se totsheto ngu mhaka ya wubihi wule a nga wu maha masoni ka Mkoma, a txi m'henyisa ngu simaho sa manza akwe, nga tile ti nga maheka ka nyumba ya Jerobhowamu; se ngu mhaka yeto, a va pekile.

Isaya 26:13

Awe Mkoma, Txizimu txathu, vamwani vanyamne va tolovela ku hi fumela, aniko athu hi alakanya ditina dako dwe.

Isaya 40:19

Mthumi wa vata txithombe, se mtshuli e nameketela nzalama ka txona, ni ku txi mahela liketani la silivhela.

Isaya 41:29

Wona taku votshe kha va vhuni txilo, mithumo yawe hi nga txilo, sithombe sawe so wumbwa i moya, hi txilo.

Jeremiya 1:16

Se ani ni na womba malamulelo angu txitimwi kwawe, ngu mhaka ya wubihi wawe wotshe, nguko va ni lekile, veya hisela dibaselo simwani sizimu, ni kukhizama masoni ka mithumo ya manza awe.

2 Vafumeli 17:10

Va to aka sithombe, ni so vatwa, ka sotshe siluvelo sa mimangoni, ni hahatshi ka yotshe mindonga yo nakana.

2 Vafumeli 17:16

Se va to leka yotshe milayo ya Mkoma, Txizimu txawe, ve maha sithombe so tshulwa sa marole mambidi; kambe va to maha txithungulu txo vatwa, ni ku khizamela dotshe dibutho da nzumani, ve thumela Bhahali.

Mika 5:12

se ni na thavisa wuloyi manzani kwako, kambe khu na mbi va ni vanyawuthi;