Isaya 2:3 - Bhiblia Yo Sawuleka

³ Se matiko amangi ma na rambana, ma txi kha ona: Ngonani, a hi kweleleni mmangoni ka Mkoma, Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma, ngu Jerusalema.

Isaya 2:3 Referans Kwoze

Luka 24:47

ni tiya kambe taku ku na txhumayelwa, ngu ditina dakwe, mhaka ya kutilaya ni kudivalelwa ka sionho ka otshe matiko, kukhukhela Jerusalema.

Masalmo 110:2

Mkoma a na rumela ngu Siyoni ndonga yako ya mfumo; fuma txitimwi ka valala vako!

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Dhewuteronome 6:1

“Ayiya koko, ngu yona milayo ni sileleto ni mithetho, asi Mkoma, Txizimu txanu, a nga ruma ti to ni mi gondisa, kasi ku mi txi si maha, ka ditiko di mi yako ka dona, mi txi ya di fuma.

Jeremiya 31:6

Nguko ku na hoka ditshiku dile vawoneleli va mimangoni ka Efrayime va no dhana ngu dona, va txi kha vona: Khukhani, ahiyeni Siyoni ka Mkoma, Txizimu txathu.

Varoma 10:18

Se na wotisa: Ina kha va tiengisa kani? Kha ditshuri va ti engisile, nguko ti bhatwe taku: “Kutxhumayela kwawe ku pfate ka dotshe ditiko, ni mapswi awe ma hokile magemeta-mitshi ka mafu.”

Luka 11:28

Jesu a txi khene: “Kambe ngutu-ngutu va katekile ava va engisako dipswi da Txizimu, va txi di vekisa.”

Matewu 7:24

“Ngu toneto, awu a engisako mapswi angu e ma veketa, a fana ni m'thu wo txhariha, a nga aka nyumba yakwe txitimwi ka dirigwi.

Jakobe 1:25

Kasi awu a khutalako ngu kugonda mlayo wa kuhetiseka wa wuthuseki, e wu simamela, asi ti mahi muengisi wo divala, aniko a veketako ati wona wu rumako, eyo a katekile ka tile a ti mahako.

Mithumo 10:33

Ngu konaho ni nga kuluveta kuruma vathu va ta kudhana. Se u tshambisile u nga ta. Konkuwa hi maneka hawa hotshethu masoni kwako, kasi kuengisa totshe ti Txizimu txi nga kuleleta tona.”

Mithumo 1:8

Aniko, mi na amukela mtamo wa Moya wo Sawuleka, wu no txhika txitimwi kwanu, se mi na va mi di tifakazi tangu ahawa Jerusalema ni ka dotshe ditiko da Judheya ni Samariya, kala magemeta-mitshi ka ditiko.”

Johani 4:22

Anu mi khozela txa ku ambi txi ziva, athu hi khozela txi hi txi zivako, nguko kuhanyiswa kuta ngu ka Vajudha.

Dhewuteronome 33:19

Vona va na ramba vathu va txi ya mmangoni, ahale va no ya maha miningelo ya kululama, nguko va na mana tithomba ta lineneni, ni suma si si nga siswa hahatshi ka mtxhefa.”

Masalmo 48:1

Mkoma mbwa hombe, kambe a fanela kudhumiswa didhoropani ka Txizimu txathu, mmangoni kwakwe ko sawuleka!

Masalmo 119:171

Ni na embelela ndando ya ku kudhumisa, nguko awe u ni gondisile kuziva milayo yako.

Masalmo 122:1

Ni tsakile mbimo yi va nga kha vona kwangu: “A hi yeni Nyumbani ka Mkoma!”

Isaya 28:9

I mani koko a ndi no gondiswa wutxhari kani? Niku i mani a ndi no pima ati a nga tipfa kani? Ka wule a nga lumulwa ni ka wule a nga thaviswa ha tshumbuni kani?

Isaya 56:5

Kambe ni na va ninga nyumbani kwangu, ni mndani ka maguma angu, wukhalo ni ditina, sa txhuko kupinda sa vanana va mazambi ni vanana vamahorana; Ni na ninga ditina do mbi na magwito ka mmweyo ni mmweyo, adi di na kwa mbi pfhiteka.

Isaya 56:7

kambe ni na va yisa mmangoni kwangu ko sawuleka, ni va busisa Nyumbani kwangu ka mikombelo; miningelo yawe ya kuhiswa ni miphaxo yawe, yi na amukeleka txiluveloni kwangu, nguko nyumba yangu yi na dhanwa ku i Nyumba ya mikombelo, ka otshe matiko.

Isaya 60:3

Se matiko ma na tsimbila liwoningoni kwako, ni vafumeli va na tsimbila ka liwoningo li li nga kuveleka.

Isaya 65:11

Aniko kwanu mi nga leka Mkoma, mi divalako mmango wangu wo sawuleka, mi lugisako meza ya Gadhi, se mi patelako vhinya yo lumba Meni,

Isaya 66:20

Se va na wuyisa votshe vananu, va hagari ka otshe matiko, kasi kumaha mningelo ka Mkoma, na va di txitimwi ka mahantxhi, ni mu ka sikotxikani, ni mu ka misingo, ni txitimwi ka mamula, ni txitimwi ka mibhedhu, mmangoni kwangu ko sawuleka, kona Jerusalema, kuwomba Mkoma, kufana ni kuva vanana va ka Israyeli va txi tisa miningelo yawe ngu ka siya so basa, Nyumbani ka Mkoma.

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Ezekhiyele 40:2

Ngu txiwoniso txa Txizimu, di to ni yisa ditikoni ka Israyeli, di txi ya ni veka txitimwi ka mmango wo guleka ngutu; ku ti ti ni so fana ni didhoropa di nga akwa, txitimwi ka mimango, ngu didhawa da wulambwe.

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.

Mika 4:2

Se matiko amangi ma na ya ma txi ya kha ona: Ngonani, a hi kweleni mmangoni ka Mkoma, ni Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma ngu Jerusalema.

Esteri 9:27

Vajudha va to tsanisa vona ni mbewu yawe, ni votshe vale va sengelako kumweko navo ti to kha va na mbi leka kuxayisa masiku ale amambidi, madingano ni tile ti nga bhalwa ngu mhaka yawe, ni mbimo ya kona yile yi nga emiswa, ka otshe malembe;

Masalmo 102:23

Ene a ni hungute mitamo hagari ka nzila, a komisile masiku a kuhanya kwangu.

Isaya 1:26

Se ni na kutshumetela valamuli vo fana ni vale va kale; ni madhota o fana ni ale o khata; sekoko, u na dhanwa ku u didhoropa do lulama, didhoropa do thembeka.

Isaya 11:10

Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.

Isaya 19:23

Ka ditshiku dile, ku nava ni digondo khukhela Egipta kala Asiriya. Se Vasiriya va nata Egipta, ni vona Vaegipta va naya Asiriya; Vaegipta ni Vasiriya va na patana ve khozela Mkoma.

Isaya 44:5

Awuwa a na khene: Ani ni wa Mkoma; awule a na ti dhana ngu ditina da Jakobe; se awule mmwani a na bhala ngu dianza, taku: Ani ni wa Mkoma; se txibongo txakwe, a na teka ditina da Israyeli.

Jeremiya 12:16

Ngako va di gondile tinzila ta vathu vangu, ti taku va txi xambanya ditinani kwangu, va txi kha vona: Mkoma a hanyako; nga ku va nga gondisa vathu vangu kuxambanya ngu Bhahali, sekoko va na maneka hagari ka vathu vangu.