Isaya 2:22 - Bhiblia Yo Sawuleka

²² Tsulani kule koko ni m'thu wu a ku ni muhefemulo tithonvuni kwakwe; nguko a nga va a txi themba txani kani?

Isaya 2:22 Referans Kwoze

Jeremiya 17:5

Mkoma a khene: “A ruketetwe m'thu wu a thembako m'thu, a thembako mtamo wa diwoko dakwe, na mbilu yakwe yi di hambanile ni Mkoma.

Masalmo 146:3

Mi nga thembeni vakoma, mwendo vanana va vathu, va singako ni kuhanyisa.

Jakobe 4:14

Anu, ni ka kudotho kha mi tizivi ti ti no maheka mangwana! Wutomi wanu nji txani, kani? Nguko anu mi hunguva yi yi humelelako mbimwanyana, yi txi hangalaka.

Masalmo 8:4

nji txani m'thu, kasiku u txi mu alakanya, kani? Ene m'thu wa nyama i mani, kasiku u txi mkhatalela kani?

Isaya 40:15

Wonani taku matiko ma fana ni dithotho da mati, di thothoketelako mu ka dibhaketi, ni ku nga lithulu la lidotho la sikaloni; sitondolo si fana ni tximaha txatxidotho ngutu.

Masalmo 62:9

Kha ditshuri, vathu va hahatshi mbukanganyisi, se vathu va dihanyo do guleka mba makuhu; va txi vekwa votshe ha txikaloni, kha va nemeli kupinda wukanganyisi.

Genesisi 7:22

Sotshe si si nga ti ni muhefemulo wa kuhanya tithonvuni ka sona, sotshe si nga ti tiho ha mafuni si fite.

Genesisi 2:7

Se Mkoma Txizimu, a to wumba m'thu ngu lithulu la dibumba, e futeta mu tithonvuni, moya wa wutomi, se m'thu a to va txiwumbiwa txo hanya.

Jobe 27:3

Ku di nga diho kutsaka kwangu, ni kufuteta ka Txizimu tithonvuni kwangu,

Isaya 40:17

Otshe matiko hi nga txilo masoni kwakwe; a ma wona i si nga txilo, kufana ni txa kwa mbi va txilo.

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Malakiya 3:15

Sekoko athu hi wona kukateka ka va vo tikulisa; ni vale va mahako to biha va humelela, ina, vona va duka Mkoma, kambe va huluka.