Isaya 2:19 - Bhiblia Yo Sawuleka

¹⁹ Sekoko vathu va na wulela tiphakoni ka marigwi, ni mu ka maphala a mafuni, ngu mhaka ya kuthava Mkoma, ni kudhumiswa ka wuhombe wakwe, ngako a txi khukha kasi kuxamalisa ditiko.

Isaya 2:19 Referans Kwoze

Isaya 2:10

Tsula, wulela mndani ka marigwi, u tisisa mu ka lithulu, masoni ko thaviseka ka Mkoma, ni ka wudhumo wakwe wa hombe.

Luka 23:30

Sekoko ka yoneyo mbimo, va nata gela mimango va txi kha vona: ‘Welani txitimwi kwathu!’ Ka situnga va nata kha vona: ‘Hi khubhunyeteni!’

Hoseya 10:8

Se mimango ya Avheni, i ku txionho txa Israyeli yi na khundumuswa; mipa ni maxexo si na kula txitimwi ka siluvelo sawe; se va na kha vona ka mimango: Hi fenengeteni! Se ka simangwana: Welani txitimwi kwathu!

Isaya 2:21

Va na wulela mu ka tifa ta marigwi ni mu ka maphala a mimango, ngu kuthava Mkoma, ni kudhumiswa ka wuhombe wakwe, mbimo yile a khukhako, e xamalisa ditiko.

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Vahebheru 12:26

Ene wu dipswi dakwe di nga zinginisa mafu, konkuwa a huwelela a txi khene: “Ni na tshumela ni txi zinginisa kambe, i si nga mafu dwe, aniko ni yona nzuma na yi zinginisa.”

Hagayi 2:6

Nguko Mkoma wa Mabutho a Tiyimbi a womba tiya: Msana ka mbimonyana, na i si nga kuswela, ni na maha ti taku nzuma, ni mafu, ni linene, ni mafu a kuoma, si txi zinginika;

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Mtuletelo 16:18

Konako ku to humelela kukeluka ka nzuma, mapswi, singwalangwanda ni kudekadeka ka mtamo ka mafu: Kudekadeka ka hombe ngutu akuwa txima kha kuzivi kuhumelela kukhukhela m'thu a di tumbulukile ha mafuni.

Mtuletelo 11:13

Ka txona txile txikhati ku to humelela kutsekatseka ka hombe ka mafu: Didhawa da wugumi da didhoropa di to khundumuka, se ve fa 7.000 wa vavamna. Ava va nga huluka va to tala ngu kuthava, ve dhumisa Txizimu txa nzumani.

Mtuletelo 9:6

Ka oneyo masiku, vathu va na lava lifo, kambe va si li mani; va na navela kufa, kambe lifo li na tutuma li va siya.

Vahebheru 11:38

Vona, ditiko di nga ti si va faneli, va tendelekile txiwulani ni mimangoni, mikeleni ni magivini ka mafu,

2 Vatesalonika 1:9

Txitsayiso txawe ku nava kulova ko mbi guma, kha va na mbi ka nga yi wona khohe ya Mkoma, hambi kuphatima ka wukoma wakwe,

Mika 7:17

Va na danzela lithulu ku nga minyoka; va na huma ngu makhokholani, kufana ni sihari so tsimbila ngu dibindi na va txi dhudhumela; va nata ka Mkoma, Txizimu txathu, ngu kudhudhumela, na va txi kuthava.

Jeremiya 16:16

“Ni na dhana vakukuti vavangi, kuwomba Mkoma: Va na va ndinda; ni na dhana vaxoti votala, va na va xota mimangoni kotshe, ni ka simangwana, ni ka totshe tiphako ta marigwini.

Isaya 30:32

Se ngu kupeka kumweko ni kumweko ka ndonga ya wulamuli ayi Mkoma a no peka ngu yona, ku nava ni singomana ni tiharipa; se ni kulwa ka pfilu-pfilu, ku na va wukela.

Masalmo 7:6

Khukha u txi ema, ngu kuhenya kwako, Mkoma, u txi ni vhikela ka tshofu ya valala vangu. Wuka, Txizimu txangu, u txi womba awu a ku ni mnandu.

1 Samuwele 14:11

Ngu wumbidi wawe va to ti kombekisa ka vawoneleli va Vafilista, se Vafilista va to kha vona: Wonani taku Vahebheru va humile ngu maphalani mule va nga ti baramile kona.

1 Samuwele 13:6

Va di ti woni koko vavamna va ka Israyeli to va xomuloni (nguko vathu va ti ti kamekile), vathu va to barama amu ka tiphako, ni amu ka mipa, ni hagari ka marigwi, ni amu ka sisima, ni maphalani,

Jobe 9:6

atxile txi thavisako mafu ka wukhalo wa ona, se tiphande ta ona ti txi zinginika;

Isaya 7:19

Totshe ti nata khandamela amu ka yotshe mikova ya siwula, ni mu ka tifa ta marigwi, amu ka mipa, ni ka sotshe sitinga.

Isaya 13:13

Ngu toneto, ni na dhudhumelisa nzuma, ni mafu ma na khukha ha wukhaloni ka ona, ngu mhaka ya kuhenya ka Mkoma wa Mabutho a Tiyimbi, ngu ditshiku da kuhenya kwakwe.

Isaya 24:1

Wonani taku Mkoma wa maha ti to mafu meva txiwula, kambe wa ma kona, wa hindula zumbelo ya ona, e hangalasa vaaki va ona.

Isaya 24:18

Se ku na maheka taku, wule a no tutuma ngu mhaka ya dipswi do dhukisa, a na wela diphalani; ni wule a no huma ngu diphalani, mlawu, wu na m'bzweta; nguko mafasitela a txitimwi ma tulekile, ni makhato a mafu ma zinginika.

Isaya 24:19

Mafu otshe ma na bhandelelwa, otshe ma na abaneka ngu hagari, se otshe mafu ma na zinginika.

Isaya 33:10

Konkuwa ni na khukha ni ema, kuwomba Mkoma; “konkuwa ni na khukha ani nipune”; konkuwa ni na guletwa.

Jeremiya 4:29

Votshe va madhoropa va na tutuma ve thava ngu mhaka ya va vo gadha mahantxhi ni va malaho; va sisala mu ka tikwakwati, na va txi kwela txitimwi ka marigwi. Otshe madhoropa ma sala i di siwula, kha ku zumbi m'thu ka ona.

Jeremiya 48:28

Lekani madhoropa, tsulani mi txi ya zumba marigwini, anu mi zumbako Mowabhi; mahisani ku nga tile txituvani txi akisako tona txisaka txa txona, ha txikeni ka diphala.

Ezekhiyele 33:27

U na va gela tiya: Mkoma Txizimu a ti khene: Na hanya ani, ati tiku avale va no maneka ka makhalo a siwula, va na wiswa ngu ditxhari, se wule a no maneka txitingani, ni na mningela ka sibanda, si txi m'dya, ni vale va no maneka ka makhalo o tsana, ni mu ka maphala, va na dawa ngu mitungu.

Nahume 3:11

Nanawe Ninivha, u na leva u txiya sisala, kambe u na lava mtamo, ngu kuthava valala vako.

Hagayi 2:7

ni na dekadekisa otshe matiko, se ti nata tithomba ngu ka matiko, ni na tata nyumba yiya ngu wudhumo, kuwomba Mkoma wa Mabutho a Tiyimbi.

2 Samuwele 22:46

Vanana va vamatiko va gumile mtamo; se va huma mikhokholani kwawe ngu kudhudhumela.