Isaya 2:12 - Bhiblia Yo Sawuleka

¹² Nguko ditshiku da Mkoma wa Mabutho a Tiyimbi, di na va do veka hahatshi votshe va va tikulisako ni ku ti dhumisa.

Isaya 2:12 Referans Kwoze

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Isaya 23:9

Mkoma wa Mabutho a Tiyimbi, ngene a nga lulamisa txikungo txiya, kasi kuonha ku tikulisa ka sotshe siphatiphati, ni kuveka hahatshi vale vo dhundeka ngutu va ha mafuni.

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

Mavingu 16:5

Ni wihi a ku ni mbilu yo ti kulisa njinyenyeko ka Mkoma; hambi a txo pata dianza ka dianza, kha na mbi huluka kutsayiswa.

Jakobe 4:6

Txona Txizimu txa hi ninga tikateko ta tingi ngutu, madingano ni dipswi da mibhalo, adi di wombako tito: “Txizimu txi lambela ava va ti kulisako, aniko txi ninga tikateko ta txona ava va kutiveka hahatshi.”

1 Vatesalonika 5:2

Nguko anu ma tiziva ta tinene taku ditshiku da Mkoma di na tisa ku nga dikhamba ahawa ka wusiku.

1 Vakorinto 5:5

mamoyo a na ningelwe ka Sathani, ka lifo la mmidi, kasiku moya wakwe wu txi hanyiswa ka ditshiku da Mkoma.

Matewu 23:12

Awule a ti guletako, a na vekwa hahatshi; ani wule a ti vekako hahatshi a na guletwa.

Malakiya 4:5

Wonani taku ani ni na mi rumela Mprofeti Elija, na ku si se hoka ditshiku da hombe do thisa da Mkoma.

Amosi 5:18

Dikhombo ka va va navelako ditshiku da Mkoma! Mi di lavela txani ditshiku di da Mkoma kani? Inava txidema, i si nga da kuwonekela.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Ezekhiyele 13:5

Kha ma kwelela kuya tsiva matshoko, kambe kha ma lema tifa ta nyumba ya ka Israyeli, kasi ku mi txi ya maneka kulwani ngu ditshiku da Mkoma.

Jeremiya 46:10

Nguko ditshiku da Mkoma Nyamne wa Tiyimbi, ditshiku do pharela, ngu kulwisa valala vakwe, se ditxhari di na daya, di khura di txi leva ngu mnoha wawe, nguko Mkoma Txizimu txa Mabutho a Tiyimbi, a ni mphaxo ditikoni ka Wuphemba, hafuhi ni mnambo wa Ewufrate.

Isaya 24:21

Se ku na maheka taku, ka ditshiku dileya, Mkoma a na endela mabutho a txitimwi nzumani, ni vafumeli va mafu, txitimwi ka mafuni.

Isaya 24:4

Mafu ma dila, kambe ma wuna; ditiko da guma mtamo, kambe da wuna; vahombe va vathu va ha mafuni va guma mtamo.

Isaya 13:9

Wonani, ditshiku da Mkoma data, do dhukisa, da tshofu, ni kuhenya ko tura, kasi kuhaxula ditiko, ni kulovisa vaonhi va dona.

Isaya 13:6

Pekani huwa nguko ditshiku da Mkoma di hafuhi; di ta ngu ka wu wa Mtamo-wotshe kuta haxula.

2 Samuwele 22:28

Se awe wa txhatxhisa vathu va va xanisekako, aniko maso ako ma wukela vale va ti guletako, kambe awe wa va wisa hahatshi.

Jobe 24:1

Ti komba ku timbimo kha ta vekwa ngu wu wa Mtamo-wotshe, ngu kutxani va si woniko masiku akwe vale va m'zivako kani?

Masalmo 131:1

Mkoma, mbilu yangu kha yi ti kulisi ni maso angu kha ma ti guleti; se kha ni nga ni timbiti ni silo si i ku sa hombe, kha ni naveli asile si ku txitimwi ka mtamo wangu.

Isaya 42:15

Mimango ni simangwana si na va txiwula, wotshe mwasi wa kona ni na wu omisa, minambo ni na yi maha sitondolo, se ni omisa maziva.

Isaya 61:2

ni kupeka nyiwo ya dilembe do kateka da Mkoma, ni ditshiku da kuphota ka Txizimu txathu; kuthavelela votshe vale va dilako;

Jeremiya 30:7

Yowe! Ani sikwangu! Ditshiku diya da hombe, kha ku na dimwani do fana nado! Kambe i mbimo ya dikhombo ka Jakobe; hambi keto, ka dona, a na huluka.

Mika 2:3

Ngu toneto, Mkoma a khene: Wonani taku ni na yisa wubihi ka liveleko liya, ka lona kha mi na mbi thavisa tithamo tanu, se kha mi na mbi tsimbila ngu matshanza, nguko mbimo yi na va yi di bihile.

Mika 5:11

ni na khundumusela madhoropa a ditiko dako, ni ku wisetela yotshe mikhokhola yako;

Zefaniya 1:16

disthiku da mpundu ni nyandayeyo, si wukelako madhoropa o tsana, ni sitezi so lapha.

Zefaniya 3:11

Ka ditshiku dile, khu na mbi wa tingana ngu mthumo wako ni wawumwewo, awu u nga ni lwisa ngu wona; sekoko ni na thavisa hagari kwako, ava va giyako ngu kutikulisa, se awe khu na mbi ngadi u txi ti kukumukisa kambe, mmangoni kwangu ko sawuleka.

Masalmo 18:28

Mkoma, awe u liwoningo langu, awe, Txizimu txangu ngawe u woningako mtema wangu.

Masalmo 37:13

Aniko Mkoma wa m'seka, nguko wa tiziva ti to masiku akwe ma komile.

Masalmo 94:2

Awe, u ku mlamuli wa ditiko, khukha u txi ninga va va kutikulisa, txhatxhazelo yi va fanelako ku yi amukela!

Isaya 5:15

Sekoko tinganakana ti na xowoka, ni va va ti guletako, va na wa. Ni maso a vale va ti guletako, ma na wiswa tingana.

Isaya 10:12

Ngu kumaha keto, mbimo yile Mkoma a no heta wotshe mthumo wakwe mmangoni ka Siyoni, kona Jerusalema, sekoko ni na tsayisa mihando ya mfumeli wa Asiriya, ngu mhaka ya kutikulisa ka mbilu yakwe, ni kutiguleta masoni kwakwe.

Isaya 10:33

Se wona taku, Mkoma, Txizimu txa Mabutho a Tiyimbi, a na dunguruta madhavi ngu kuthisa, se ale o lapha ma na gangwa, vale vo ti guleta va na wiswa.

Isaya 13:11

Se ni na tsayisa mafu ngu mhaka ya kubiha ka ona, ni vabihi ngu mhaka ya sionho sawe, ni na heta kutikulisa ka va makolo, vanyamitamo ni vathu wo ti guleta ni na va veka hahatshi.

Isaya 14:15

Hambi keto, u na yiswa mndiloni, ka diphala do hokoma.

Isaya 40:23

awu a tshumetako vathangeli ve maneka i si nga va txilo, kambe a maha ti to valamuli va ditiko va si vhuni txilo.

Jeremiya 12:9

Ina thomba yangu yi kwangu nga txinyana txa matshakatshaka. Ti di ngeto, makoti a na va wukela ngu ka otshe madhawa. Tsulani mi txi ya mananisa sotshe sihari sa txitinga, si na yi khobweta.

Jeremiya 13:9

Mkoma a khene: Nga toneto, ni na sinisa kutikulisa ka Judha, ni kutikulisa ka hombe ka Jerusalema.

Jeremiya 50:31

Wona ti taku ani na kuwukela awe nyakutikulise, kuwomba Mkoma, Txizimu txa Mabutho a Tiyimbi, nguko di hokile ditshiku dako, i ku mbimo yi ni no kuendela ngu yona.