Isaya 2:10 - Bhiblia Yo Sawuleka

¹⁰ Tsula, wulela mndani ka marigwi, u tisisa mu ka lithulu, masoni ko thaviseka ka Mkoma, ni ka wudhumo wakwe wa hombe.

Isaya 2:10 Referans Kwoze

Jeremiya 10:7

Awe Mfumeli wa matiko, i mani asi ku thaviko kani? U fanete kuthavwa, nguko hagari ka totshe titxhari ta vamatiko, ni ka mifumo yawe yotshe, lambi, khangaho wu a fananako ni nawe.

2 Vatesalonika 1:9

Txitsayiso txawe ku nava kulova ko mbi guma, kha va na mbi ka nga yi wona khohe ya Mkoma, hambi kuphatima ka wukoma wakwe,

Luka 23:30

Sekoko ka yoneyo mbimo, va nata gela mimango va txi kha vona: ‘Welani txitimwi kwathu!’ Ka situnga va nata kha vona: ‘Hi khubhunyeteni!’

Luka 12:5

Aniko ni na mi kombisa awu mi fanelako ku mu thava. Thavani awu, msana ka kudaya mmidi, a ku ni mtamo wa kutshotsha m'thu mndiloni. Ina, ani na mi gela, thavani eneyo.”

Hoseya 10:8

Se mimango ya Avheni, i ku txionho txa Israyeli yi na khundumuswa; mipa ni maxexo si na kula txitimwi ka siluvelo sawe; se va na kha vona ka mimango: Hi fenengeteni! Se ka simangwana: Welani txitimwi kwathu!

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Isaya 42:22

Kambe avava mbathu vo pelwa ni kuhandwa; votshe va rinzilwe maphalani, ni kusiswa tinyumbani ka mikora; va ñotwe, kuwalo wo va txhatxhisa; va handwa, kha ku nga ni wo khene: Tshumeta!

Isaya 10:3

Mi na maha txani anu vamwani ngu ditshiku da txitsayiso, ni da kulovisa kule ku nota ngu kule kani? Mi na tutumela ka mani kuya lava kuvhunwa kani? Tithomba tanu mi na ti veka hani kani?

Masalmo 90:11

I mani a sikotako kuziva mtamo wa kuhenya kwako kani? I mani asi thaviko wurena wa kuhenya kwako kani?

Jobe 31:23

Nguko txitsayiso txa Txizimu i ti ti txidhusa kwangu, se ani ni si sikoti kutsana ka wuhombe wa txona.

Jobe 40:13

Va sise votshe amu ka lithulu; va sunge tikhohe txihunjani.

Masalmo 145:12

kasi kuzivisa vanana va vathu mithumo yako ya hombe ni kuphatima ka wudhumo wa mfumo wako!

Isaya 25:11

Se Mowabhi a na nawuluta manza hagari kwawe, kufana ni msambeli a txi lava kusambela; kambe Mkoma a na veka hahatshi kutikulisa ka Mowabhi, hambiko manza akwe i ku a wutxhari.

Jeremiya 13:9

Mkoma a khene: Nga toneto, ni na sinisa kutikulisa ka Judha, ni kutikulisa ka hombe ka Jerusalema.

Nahume 3:11

Nanawe Ninivha, u na leva u txiya sisala, kambe u na lava mtamo, ngu kuthava valala vako.