Isaya 19:8 - Bhiblia Yo Sawuleka

⁸ Se vadoti va sihaka va na dila, votshe vale va rinzako simemba mnamboni va na peka tihuwa, ni va va gwimbako tikoka txitimwi ka mati, va na guma mtamo.

Isaya 19:8 Referans Kwoze

Habhakuki 1:15

Ene wa va guleta votshe ngu ndowo, se wa va mana ngu likoka lakwe. Kambe wa va pata ka likoka lakwe lo hiyela; ngu kumaha keto, ene wa tsaka ni ku ti bhuma.

Ezekhiyele 47:10

Vadoti ni vona va na va hafuhi ka txinambwana; kukhukhela Eni-Gedhi, kala Eni-Eglayime, ku nava ni wukhalo wo nawuluta tikoka; sihaka sa kona, ngu tixaka ta sona, si na nga sihaka sa Linene la Hombe, ngu kutala ngutu.

Mitengo 11:5

Athu hi alakanya sihaka si hi nga txi dya walo ngu kuranda kwathu kona Egipta, mapswani, magamba, nyala, ni txinyalana.

Eksodha 7:21

Sihaka sa mnamboni si to fa. Mnambo wu to nunga, Vaegipta va si sikoti kusela mati a mnamboni. Mnoha wu to maneka ditikoni kotshe ka Egipta.

Matewu 11:17

‘Hi mi vetete misengele, aniko kha ma sinya; hi embelete tindando ta masaluko, aniko kha ma dila.’ ”

Habhakuki 1:17

Ina a nga maha taku e tshakunuta likoka lakwe, asi leki kusimama e dayela vathu kani?