Isaya 19:3 - Bhiblia Yo Sawuleka

³ Se moya wa Vaegipta wu na guma mtamo mndani kwawe; ani ni na hangalasa txikungo txawe, kambe vona va na ya wotisa ka sithombe sawe, ni ka vanyamsoro, ni ka vahuti, ni ka vanyatixolo.

Isaya 19:3 Referans Kwoze

Isaya 8:19

Va txi mi gela va txi kha vona: Wotisani ava va ku ni mimoya ya vafi, ni vahuti vale va lengako, ni kungungurukela, mi txi khanu: Vathu kha va faneli ku wotisa Txizimu txawe kani? Ku nga wotiswa ka vafi timhaka ta va va hanyako kani?

Dhaniyeli 2:2

Se mfumeli a to dhana titxhari, ni vahuti, ni vanyatixolwe, ni va Vakaldheya kasiku ve ta txhamusela mfumeli, mloro wakwe; se vona va to ta tikombisa masoni ka mfumeli.

1 Makronika 10:13

Se Sawule a to fa ngu mhaka ya kutshuralela ku a nga tshuralela ngu kona Mkoma, ngu mhaka ya dipswi da Mkoma, adile a nga mbi di vekisa; ni ku kambe a lavile m'huti, e ta mu wotisa,

Dhaniyeli 5:7

Mfumeli a to ruma, ngu mtamo, ti to kudhanwa tiñanga, ni Vakaldheya, ni vahuti; mfumeli a to womba ka titxhari ta Bhabhilona, a txi khene: “Awule a no gonda mibhalo yiya, e ni gela txhamuselo ya kona, a na ambekwa nguwo yo bhilivila, ni liketani la nzalama mkoloni kwakwe, se a na maha mfumeli wa wuraru amu ka mfumo wangu.”

Ezekhiyele 22:14

Ina mwendo mbilu yako yi na va yi di tsani kani? Manza ako ma nava ma di ni mtamo, ka masiku ale ni no ku tela kani? Ani Mkoma ni wombile, kambe ni na ti maha.

Ezekhiyele 21:7

Ina mbimo yile va no kha vona: U hefemuteka ngu kutxani kani? Awe u na khawe: Ngu mhaka ya ti tatiphya titako; se totshe timbilu ti na tsivala, otshe manza ma na karala, wotshe moya wu na xomuleka, ni otshe mazolo ma na txutxeka me maha mati; wona taku tata, kambe ti na maheka, kuwomba Mkoma Txizimu.

Jeremiya 46:15

Ngu kutxani ti nga xulwa tindena tako kani? Kha ta sikota kutserama, nguko Mkoma a ti hangalasile!”

Isaya 57:16

Nguko kha ni na mbi lwa kala kupinduka, hambi kuya masoni ngu kuhenya; nguko moya wu nga guma mtamo masoni kwangu, ni mihefemulo yile ni nga yi va nga.

Isaya 47:12

Zumba ni sixamaliso sako, ni mtalo wa wuloyi, wule u nga thuma ka wona kukhukhela wuphyani wako, mwendo u nga thuka u mana kuhumelela, ni ti to mwendo u nga dhuka u mana kutsana.

Isaya 44:25

ni khundumusako sikombiso sa vasiki va makuhu, ni kuxangisa vahuti; na tshumetela msana titxhari, ni kuvhinganyisa gondo ya tona;

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Isaya 15:2

Vaaki va Bhajite ni Dhibhoni, va kwelela ka makhalo o guleka, kuya dila kona; Mowabhi wa peka huwa ngu mhaka ya Nebho ni Medhebha; yotshe misungo yi na maha tigwayi, ni sotshe siletu si na va si di yotwe.

Isaya 14:27

Nguko Mkoma wa Mabutho a Tiyimbi a tsanisile; i mani koko a no kaneta kani? Se a guletile diwoko dakwe; i mani koko a ngadi tshumetelako msana kani?

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Masalmo 107:27

va to pfa lizungu ve dhedhereka nga vo leva, ni wotshe wutxhari wawe wu si va vhuni txilo.

Masalmo 76:12

Txona txa thavisa mtamo ka vakoma txi thela dizowa ka vafumeli va ha mafuni.

2 Samuwele 17:23

Se Ayitofeli a di woni koko, taku txikungo txakwe kha txa londetwa, a to sungelela mbongola yakwe, e khukha e tsula m'tini kwakwe, ka didhoropa dakwe, eya lulamisela nyumbani kwakwe e ti sunga: se efa, e tshotshwa ka dithitha da tate vakwe.

2 Samuwele 17:14

Sekoko Abhisalome ni votshe vavamna va ka Israyeli va to kha vona: Mapswi a Husayi, muariki, ma pfala kupinda a Ayitofeli ( nguko Mkoma a rumisile toneto, kasi kutxhipisa mapswi amanene a Ayitofeli, kuva Mkoma e tisa dikhombo txitimwi ka Abhisalome).

2 Samuwele 15:31

Sekoko va to zivisa Dhavhidha, va txi kha vona: Ayitofeli nene a hagari ka vale va emako ni Abhisalome. Se Dhavhidha a to khene: Awe Mkoma, hundulusa txikungo txa Ayitofeli.

1 Samuwele 25:37

Ku to maheka koko taku, ni mixo, a di zangulukile vhinya Nabhali, msikati wakwe a to mtxhamusela mapswi ale; se mbilu yakwe yi to guma mtamo, a txi nga dirigwi.

Masalmo 33:10

Mkoma wa vhinganyisa makungo a matiko; ene wa va thindekisa kumaha makungo awe.

Dhaniyeli 1:20

Ka timhaka totshe ta wutxhari ni mapimo ka tile mfumeli a nga va wotisa, a to mana ti taku va pinda ngu ka digumi, totshe tiñanga ni titxhari tile ti nga titiho ka mfumo wakwe wotshe.

2 Vafumeli 1:2

Se Akaziya a to pfodola ngu ha ka tisimbi ta nyumba ya txitezi txa wumune, a ngadi nayo kona Samariya, a to lwala, eruma mitumi e va gela tiya: Tsulani mi ya wotisa Bhahali-Zebhubha, txizimu txa Ekroni, ku mwendo ni na kalamuka ka wulwati wuwa kani?