Isaya 19:25 - Bhiblia Yo Sawuleka

²⁵ Nguko Mkoma wa Mabutho a Tiyimbi, a na va katekisa, a txi khene: Va na kateke Vaegipta, vathu vangu, ni Vasiriya, i ku mthumo wa manza angu, ni Israyeli, i kuthomba yangu.

Isaya 19:25 Referans Kwoze

Isaya 29:23

Aniko mbimo yile vanana vanu va no wona mthumo wa manza angu, hagari kwawe, va na sawulekisa ditina dangu, ni kusawulekisa Msawuleki wa Jakobe, se va na thava Txizimu txa ka Israyeli.

Hoseya 2:23

Ni na tiphayela ene ha mafuni, ni pfela wumbilu Lo-Ruwama; se ka Lo-Ami ni na khani: Awe u ditiko dangu! Se ene a na khene: Awe u Txizimu txangu!

Masalmo 138:8

Mkoma ana ni txhukwatisela ati ti ni dinganako! Awe Mkoma, lirando lako nda kala kupinduka; U nga leke ha mpfhukani mthumo wa manza ako.

Masalmo 115:15

Mkoma, a nga va nga mafu, a na mi katekise, anu motshe!

Dhewuteronome 32:9

Nguko txyavelo txa Mkoma ngu vathu vakwe; Jakobe njiavelo txa thomba yakwe.

Isaya 61:9

Se liveleko lawe li na ziwa hagari ka matiko, ni tixaka tawe ti na ziwa hagari ka vathu, votshe vale va no va wona, va na tiziva ti to i mbewu yile yi nga katekiswa ngu Mkoma.

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Mitengo 6:27

Ngu kumaha keto, ditina dangu, di na va txitimwi ka vanana va ka Israyeli, se ani ni na va katekisa.

Mitengo 6:24

Mkoma a na ku katekise, a txi kuxayisa,

Vafilipiya 1:6

Na themba ti to awule a nga khata mthumo wa wunene kwanu, a na wu hetisa kala kuhoka ka ditshiku da Jesu Kristu.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Vagalatiya 6:15

Ngu toneto, wukwera hi nga txilo, wukhutu ni wona hi nga txilo. Mhaka ya hombe ngu kuhunduluka hi maha txivangwa txa txiphya.

Isaya 65:23

Kha va na mbi thuma, hambi kuveleka vanana kasi ku va xanisa, nguko liveleko la va vo katekiswa ngu Mkoma, kumweko ni lixaka vawe.

Isaya 64:8

Kambe konkuwa, awe Mkoma, awe ngawe tate wathu; athu hi dibumba, se awe u muwumbi wathu; kambe athu hotshethu hi mthumo wa manza ako.

Isaya 45:11

A womba tiya Mkoma, Msawuleki wa ka Israyeli, wule a nga m'va nga: Ni wotiseni ta masiku ale matako; mi na lava kuziva mhaka ya vanana vangu, ni mhaka ya mthumo wa manza angu.

Masalmo 100:3

Ti ziveni ti to Mkoma ngene Txizimu txathu; ngene a nga hi va nga, athu hi lumba ene; athu hi vathu vakwe ni mtxhambi wakwe!

1 Pedro 2:10

anu kale mi nga si nga vathu, kambe konkuwa, se mi vathu va Txizimu, anu kale mi nga sinzi kudivalelwa, se konkuwa mi mani kudivalelwa.

Vaefesu 2:10

Nguko athu hi mthumo wa kuhuma manzani ka Txizimu txi nga hi va nga ngu ka Kristu Jesu ngu mhaka ya mithumo ya yinene yi Txizimu txi nga hi sikela ngu kale, kasiku hi yi maha.

Varoma 3:29

Ina Txizimu nja Vajudha vokha kani? Hi nga txa vamatiko ni vona kani? Im, njawe ni vona vamatiko;

Mitengo 24:1

Ngako Bhalahamu a di woni ti to Mkoma a ti wona i di tinene masoni kwakwe, kukatekisa Israyeli, kha ngava ni mipimiso yo maha ngu kuhutetela, ku nga simwani sikhati; konaho a to tshembereka e wonetela txiwulani.

Isaya 19:24

Ka ditshiku dile, Israyeli a na va wa wuraru kumweko ni Vaegipta ni Vasiriya, njikatekiso hagari ka mafu.

Isaya 27:13

Se ku na maheka ka ditshiku dile, taku ku na vetwa mpundu wa hombe, se vale va nga ti mwalate ditikoni ka Asiriya, ni vale va nga tsuliswa ditikoni ka Egipta, va na tshumela ve wuya, ve ta khozela Mkoma, mmangoni ko sawuleka, kona Jerusalema.

Isaya 45:14

Mkoma a wombisa tiya: Mthumo wa Egipta, ni dibhindu da Vaetiyopiya, ni Vasabhi, vathu va txiemo txo lapha, si na pinda sita kwako, si na kulumba; va na kulondeta, va nata va di sungilwe ngu titxhini, kambe va nata khizama masoni kwako; va na maha mikombelo yawe kwako, va txi kha vona: Kha ditshuri Txizimu txi kwako, kha ku na tximwani txizimu kambe.

Zakariya 8:13

Se ku na maheka awe nyumba ya ka Judha, ni nawe nyumba ya ka Israyeli tito, nga kule anu mi nga ruketelwa hagari ka matiko, ni na mi hanyisisa toneto, mi va txikateko; mi nga thaveni, ma na ti karate manza anu.

Isaya 63:17

Ngu kutxani, awe Mkoma u hi mahako hi hambuka ka tinzila tako kani? U bangisela txani timbilu tathu kuva hi si ku thavi kani? Wuyisa tihunzu ta thomba yako, ngu kuranda sithumi sako.

Jeremiya 2:7

Ni mi nehile ditikoni ko pfuna, kuva mi ta dya mihando ya kona ni kuzumbiseka ka dona. Aniko hale mi nga wulela ka dona mi di nyenyezisile ditiko dangu; ni thomba yangu mi yi mahile manyala.

Jeremiya 10:16

Awu i ku txiningo txa ka Jakobe kha fanani naso; nguko ngene mmahi wa silo sotshe; Israyeli lixaka la thomba yakwe, ditina dakwe Mkoma wa Mabutho a Tiyimbi.