Isaya 19:2 - Bhiblia Yo Sawuleka

² Nguko ni na maha ti to Vaegipta va txi wukela Vaegipta, se mmwani ni mmwani a na lwa ni mwanawe, ni muakelani a nalwa ni muakelani wakwe, didhoropa di na wukela dimwani didhoropa, mfumo wu na wukela wumwani mfumo.

Isaya 19:2 Referans Kwoze

Valamuli 7:22

Ngako avale va 300 va nga ti veta mipundu, Mkoma a to maha a tito, wugoveloni kotshe ka Vamidhiyani mmwani ni mmwani va txi bhayana ngu matxhari ni mkwawe. Votshe vathu va yimbi va to thava kala Bheti-Sita, hafuhi ni Zerera, kala m'hinganoni ka Abhele-Mawola, masoni ka Tabhati.

1 Samuwele 14:20

Sekoko Sawule kumweko ni votshe vathu vale a nga ti navo, va to sengeletana, veya kulwani; wona taku ditxhari da mmweyo di ti ti thola mmwani, se ku to maneka pfilu-pfilu ya hombe ngutu.

Matewu 10:36

Sekoko, valala va m'thu va na va i di va nyumbani kwakwe.”

Matewu 12:25

Kambe Jesu, ngu kuziva mialakanyo yawe, a to khene kwawe: “Mfumo wuhi ni wuhi wu ti bhandako ngu hagari wu txi ti lwisa wu na hasuka; ni didhoropa dihi ni dihi di ti bhandako ngu hagari di ti lwisa, mwendo mwaya wuhi ni wuhi wu ti bhandako ngu hagari wu ti lwisa kha wu na kutsana.

Matewu 10:21

“Mwanawe a na ningela mmwani mwanawe kudawani; ni tate a na ningela mwanana wakwe; vanana va na wukela vaveleki vawe, va txi va daya.

Ezekhiyele 38:21

Nguko Goge ni na m'dhanela ditxhari, txitimwi ka yotshe mimango yangu, kuwomba Mkoma Txizimu; ditxhari da mmweyo ni mmweyo di na wukela mwanawe.

Isaya 9:21

Manasi a na wukela Efrayime, se Efrayime a na wukela Manasi, se ngu wumbidi wawe va na wukela Judha. Se ngu totshe tiya, txiviti txakwe kha txi gumi, ni dianza dakwe a nga ti di guletile.

1 Samuwele 14:16

Vawoneleli va Sawule koko, vale va nga ti Gibheya ka Bhenjamini, va to wona vathu va txi thekela ngu kututuma, na va txi gumulana.

Valamuli 9:23

Txizimu txi to rumela moya wo biha hagari ka Abhimeleki ni ka vathu va Sikemi, se vathu va Sikemi va to wukela Abhimeleki;

Matewu 24:7

Ditiko di na wukela dimwani ditiko, mfumo wu na wukela wumwani mfumo, ku nava ni tipaya ni mitungu ni kuzinginikela ka mafu, ka makhalo amangi.

Jeremiya 46:12

Matiko ma pfite kuwombwa ngu tingana tako, ni mafu ma tate ngu huwa yako, nguko ndena yi humbilwe ngu yimwani, ti tshumela ti txi wa totshe.

Jeremiya 51:46

Aniko yi nga karale mbilu yanu, kambe mi nga thaveni wudhumo wo pfala ditikoni, nguko ku nata ka dilembe dimwedo wudhumo, se ngu ka dimwani dilembe wu txi ta wumwani wudhumo; kambe ku na vaho kulwa ditikoni, mkhozisi a txi wukela mmwani mkhozisi.

Zakariya 8:10

Nguko ma sinzi kuhoka masiku awa, ku si nga ni kuholelwa ka vathu, hambi ni kudihelwa ka sifuyo; kambe ku ti si nga ni kudikha ka wule a nga ti ti wulela, ni ka wule a nga ti ti huma, ngu mhaka ya mlala, nguko ani ni kujetete votshe vathu, ti to mmweyo ni mmweyo e wukela mmwani m'thu.

1 Vafumeli 16:21

Sekoko vathu va Israyeli va to abaneka ngu madhawa mambidi: Vamwani va txi londisa Tibhini, mwana Ginate, ve mmaha mfumeli, se vamwani va ti londisa Oniri.

2 Makronika 15:6

Vathu va to wukelana, didhoropa dimwani di txi wukela dimwani didhoropa, nguko Txizimu txi di va vangete xomulo yayingi.

Isaya 3:5

Se vathu votshe va na xanisana, hambi vaakelani va na xanisana, ni mwanana a na xanisa didhota, vanyalidede va na xanisa vo thaviseka.

Marku 3:24

Ngako mfumo wu txi ti abanisa ngu hagari, ewo mfumo kha wu na kutsana.