Isaya 19:19 - Bhiblia Yo Sawuleka

¹⁹ Ka yona yile mbimo, Mkoma a na va ni txiluvelo hagari ka ditiko da Egipta, se ku na akwa txikombiso txa matimu ka Mkoma, m'hinganoni ka dona.

Isaya 19:19 Referans Kwoze

Genesisi 28:18

Sekoko Jakobe a di wukile ni mixo, a to teka dirigwi di a nga ti di mahile txikhigelo, e di emisa di maha txialakanyiso, e thela mtona tximwi ka dona.

Joxuwa 22:10

Ngako va di hokile hafuhi ka mnambo wa Jordhani, ditikoni ka Kanana, vanana va ka Rubheni, ni vanana va ka Gadhi, ni vanana va hafu ya lihunzu la ka Manasi, va to aka kona ha mabambe ka mnambo wa Jordhani, txiluvelo txa hombe, atxi txi nga txi woneka ni kule.

Joxuwa 22:26

Ngu toneto, athu hi ti khathu: He akeni txiluvelo, na i si nga txiluvelo txa mningelo wo hiswa, hambi yimwani mhamba,

Eksodha 24:4

Se Mosi a manekile a txi bhala otshe mapswi a Mkoma, se ni mixo a to khukha eya aka txiluvelo hafuhi ka mmango, ni tiphande ta digumi ni timbidi ta marigwi, a txi dinganisa tihunzu ta digumi ni timbidi ta va ka Israyeli.

Zakariya 6:15

Se avale va ku kule, va nata ve ta aka dithepeleni ka Mkoma, anu mi na tiziva ti to Mkoma wa Mabutho a Tiyimbi a ni rumile kwanu; kambe eto ti na maheka, ngako mi txi pfisisa dipswi da Mkoma, Txizimu txanu.

Isaya 66:23

Se ku na maheka taku, kukhukhela ka M'buso wa Kumeka ka Mtxima, kala ka wumwani, ni kukhukhela ka Sabbata kala ka yimwani, va nata votshe vathu, ve ta khozela masoni kwangu, kuwomba Mkoma.

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Vahebheru 13:10

Hi ni txiluvelo, atxiya va si faneliko kudyela ka txona ava va khozelako ditendani.

Masalmo 68:31

Ngu Egipta ku nata tinganakana; Vaetiyopiya va na guleta manza ve khongela ka Txizimu.

Isaya 56:7

kambe ni na va yisa mmangoni kwangu ko sawuleka, ni va busisa Nyumbani kwangu ka mikombelo; miningelo yawe ya kuhiswa ni miphaxo yawe, yi na amukeleka txiluveloni kwangu, nguko nyumba yangu yi na dhanwa ku i Nyumba ya mikombelo, ka otshe matiko.

Isaya 60:7

Totshe tinvuta ta Kedhari ti na sengeletana hafuhi ni nawe, se tihamba ta Nebhayote ti na kuthumela; mi na kwela ngu kutsaka txiluveloni kwangu, se ani ni na dhumisa nyumba ya wudhumo wangu.

Joxuwa 22:27

aniko txi na maha wufakazi hagari kwathu ni nanu ni hagari ka situkulwana sathu, msana kwathu, wufakazi wa ti to ha khozeka Mkoma ngu timhamba tathu to hiswa, ni timhamba ni miningelo yathu yo bonga, kasiku vanana vanu ka mbimo yitako va si ta womba ka vanana vathu va txi kha vona: “Anu kha mi nga ni txyavelo txa Mkoma.”

Joxuwa 22:28

Ngu toneto, hi pimisile, hi txi khathu: Ngako dimwani ditshiku va txi ta womba kwathu toneto, mwendo ka vanana vathu, hi nata xamula hi txi khathu: “Wonani wufakazi wa txiluvelo txa Mkoma, awuwa vatate vathu va nga mmahela timhamba to hiswa, mwendo yihi ni yihi yimwani mihingano, aniko mbufakazi hagari kwathu ni nanu.”

Joxuwa 22:34

Vanana va ka Rubheni ni vanana va ka Gadhi va to raya txiluvelo txile ditina daku i Edhi, nguko vona va ti kha vona: “Txiluvelo txiya, txi na va wufakazi hagari kwathu, wa tito, Mkoma ngene i ku Txizimu txa ditshuri.”

Jeremiya 46:2

Xungetano ni Egipta, kasi kupeka yimbi ya Faro-Neko, mfumeli wa Egipta, a nga txi maneka hafuhi ni mnambo wa Ewufrate kona Karkemixe, wule a nga pekwa ngu Nebhukodhonosori, mfumeli wa Bhabhilona, ka dilembe da wumune da kufuma ka Jehoyakimi, mwana Josiya, mfumeli wa Judha.

Ezekhiyele 29:1

Ka dilembe da wugumi, ka mtxima wa wugumi, ngu ditshiku da digumi ni mambidi ka mtxima, di tile kwangu dipswi da Mkoma, di txi ta kha dona:

Ezekhiyele 30:1

Se di tile kwangu dipswi da Mkoma, di txi ta kha dona:

Ezekhiyele 31:1

Se ku to maheka taku ka dilembe da wugumi ni dimwedo, ka mtxima wa wuraru, ngu ditshiku do khata da mtxima, di txita kwangu dipswi da Mkoma di txi ta kha dona:

Ezekhiyele 32:1

Ku to maheka taku, ngu dilembe da digumi ni mambidi, ka mtxima wa wugumi ni yimbidi, ka ditshiku do khata da mtxima, di tile kwangu dipswi da Mkoma di txi kha dona: