Isaya 19:17 - Bhiblia Yo Sawuleka

¹⁷ Se ditiko da ka Judha di na va txixamaliso ka Egipta; ni wihi wule ti no ziviswa kwakwe tiya, a na dhudhumela, ngu mhaka ya makungo a Mkoma wa Mabutho a Tiyimbi, ngu ti a nga tsanisa to va wukela.

Isaya 19:17 Referans Kwoze

Isaya 14:24

Mkoma wa Mabutho a Tiyimbi a xambanyile, a txi khene: Ati ni nga ti pimisa ti na mahisa toneto; se ati ni nga womba ti na mahekisa toneto.

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Jeremiya 25:19

Hambi Faro, mfumeli wa Egipta, ni maxonga akwe, ni tinduna takwe, ni votshe vathu vakwe;

Isaya 36:1

Se ku to maheka taku, ka dilembe da wugumi ni mune, da mfumeli Ezekhiya, Senakeribhe, mfumeli wa Asiriya, e wukela otshe madhoropa a mtamo a ka Judha, e ma honyola.

Ezekhiyele 30:9

Ka ditshiku dileya, ku na khukha mitumi masoni kwangu ngu sitimela sa matini, kuya dhukisa Etiyopiya, ka mihoni yakwe; ku nava ni kupandiseka ka hombe, ku nga ka ditshiku da Egipta; wonani taku data.