Isaya 19:14 - Bhiblia Yo Sawuleka

¹⁴ Mkoma a thete moya wa wugeu hagari kwawe, se vona va to rerelisa Egipta, ngu yotshe mithumo yawe, kufana ni didevi di txi tshumelela makosa a dona.

Isaya 19:14 Referans Kwoze

2 Vatesalonika 2:11

Ngu koneho Txizimu txi va lekile ve fumwa ngu mtamo wo xengetela ti to ve tumela ta makuhu;

Jeremiya 25:27

U na va gela, u txi khawe: Mkoma wa Mabutho a Tiyimbi, Txizimu txa Israyeli, a khene: Selani mi txi leva, mi kosa, mi txi wa, mi si wuki kambe, ngu mhaka ya yimbi ni no yi rumela kwanu.

Jobe 12:25

Txidemani va tsimbila va txi mbumbutela, ngu kupwata liwoningo, se va txi dhedherekela nga madevi.

Matewu 17:17

Jesu a to xamula a txi khene: “Liveleko la vathu va ku ambi kholwa ni vo soholoka, ni na va ni nanu kala txikhati muni kani? Ni na timisela ngu nganu kala ditshiku muni kani? Mu tiseni hawa kwangu.”

Jeremiya 48:26

Mleviseni nguko a ti kulisile masoni ka Mkoma; Mowabhi a na tshumelela ka makosa akwe, se ene a na xaniswa.

Isaya 29:14

Wona taku, ni na simama ni maha mthumo wo xamalisa hagari ka vathu vava; i ku mthumo wo xamalisa, kambe wo thisa, nguko wutxhari wa titxhari tawe, wu na fuva, ni mapimo a vathu vawe vo ziva, wu na sisala.

Isaya 19:2

Nguko ni na maha ti to Vaegipta va txi wukela Vaegipta, se mmwani ni mmwani a na lwa ni mwanawe, ni muakelani a nalwa ni muakelani wakwe, didhoropa di na wukela dimwani didhoropa, mfumo wu na wukela wumwani mfumo.

Jobe 12:16

Mtamo ni wutxhari si ka Txizimu; mbwa Txizimu, wule a onhako, ni wule a onhisako.

Valamuli 9:23

Txizimu txi to rumela moya wo biha hagari ka Abhimeleki ni ka vathu va Sikemi, se vathu va Sikemi va to wukela Abhimeleki;

2 Makronika 18:22

Konkuwa koko, Mkoma a wuletisile moya wa makuhu ka txisofu txa vaprofeti vako votshe, kambe Mkoma a wombawombile kubiha ngu ngawe.

Mavingu 12:8

M'mmweyo ni mmweyo a na dhundwa ngu mapimo akwe, aniko awu a ku ni mbilu yo hambana, a na txhipiswa.

Isaya 3:12

Vaxanisi va vathu vangu mbanana, se vavasikati ngu vona va ku mu ko duketa wukoma. Yowe! Vathu vangu! Ava va mi thangelako, va mi xenga, va mi onhela nzila yi mi tsimbilako ngu yona.

Isaya 9:16

Nguko vathangeli va ditiko diya mbakanganyisi, se avale va va thangelako mbalovisi.

Isaya 24:20

Mafu otshe ma na dhedhereka kufana ni didevi, kambe ma na zinginiswa, me thaviswa ni wusiku, nga mtxhatxha; se wuhambunyeti wa ona wu na ma nemelela, ma nawa, ma si wuki kambe.