Isaya 18:7 - Bhiblia Yo Sawuleka

⁷ Ka yona yile mbimo, va na tisa txiningo ka Mkoma wa Mabutho a Tiyimbi, vathu vo lapha ni kutshura, i ku vathu vo thisa, kukhukhela ve tumbunuka; ditiko da vathu va mtamo ni tingana, ditiko da kona do abaniswa ngu minambo; ka wukhalo wa ditina da Mkoma wa Mabutho a Tiyimbi, mmangoni ka Sinayi.

Isaya 18:7 Referans Kwoze

Zefaniya 3:10

Ngu mtxhatuko ka minambo ya Etiyopiya, vakhongeli vangu vo ti ningela, dihorana da kuhangalaka kwangu, va na ni wuyisela mphaxo.

Isaya 45:14

Mkoma a wombisa tiya: Mthumo wa Egipta, ni dibhindu da Vaetiyopiya, ni Vasabhi, vathu va txiemo txo lapha, si na pinda sita kwako, si na kulumba; va na kulondeta, va nata va di sungilwe ngu titxhini, kambe va nata khizama masoni kwako; va na maha mikombelo yawe kwako, va txi kha vona: Kha ditshuri Txizimu txi kwako, kha ku na tximwani txizimu kambe.

Isaya 18:4

Nguko Mkoma a ni gete tiya: Ni na malala, ni wonetela ni di dizumboni kwangu, kufana ni kuhisa ka ditambo do phatima, nga mwando wa hunguva ka lisani la mbimo ya kuelula.

2 Makronika 32:23

Vathu vavangi va to tisa simaha Jerusalema, ku ta ninga Mkoma, ni simaha sa lisima ngutu ve ta ninga Ezekhiya, mfumeli wa va ka Judha, kukhukhela koneho a to guleka masoni ka matiko otshe.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Mika 4:13

Khukha u hula, awe dihorana da Siyoni, nguko ani ni na ku mahela tshoka yako ngu simbi, ni syala sako ngu kopora, u na balisela matiko amangi, se kuxula kwako ku na pfaliswa ka Mkoma, ni thomba yako, ka Nyamne wa mafu otshe.

Isaya 16:1

Rumelani txinvutana ka mfumeli wa ditiko, txi txi khukhela txiwulani ka Sela, kala mmangoni ka dihorana da Siyoni.

Matewu 2:11

Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.

Isaya 18:2

Adi di rumelako mitumi ngu lineneni, ngu sitataru sa tiwungu txitimwi ka mati, di txi kha dona: Tsulani anu mitumi ya txikuluveta, ka ditiko da vathu vo lapha, vo tshura, ka vathu vo thisa kukhukhela kutumbunukani kwawe; ka ditiko da mtamo ni tingana, mafu a dona ma abaniswako ngu minambo.

Habhakuki 1:7

Mbathu vo thisa ni kudhukisa; wuhombe ni wulamuli wu na huma kwawe vapune.

Masalmo 68:32

Embelelani ka Txizimu, vathu va mafu, embelelani tindando ka Mkoma.