Isaya 18:4 - Bhiblia Yo Sawuleka

⁴ Nguko Mkoma a ni gete tiya: Ni na malala, ni wonetela ni di dizumboni kwangu, kufana ni kuhisa ka ditambo do phatima, nga mwando wa hunguva ka lisani la mbimo ya kuelula.

Isaya 18:4 Referans Kwoze

Hoseya 5:15

Ni na tsula, ni tshumela ni wuya ka wukhalo wangu, kala kuza ve tipfa mnandu, ve lava khohe yangu; ngako vona va di kupandisekani, va na ni lava ngu mabimbi-kutxa.

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

Isaya 18:7

Ka yona yile mbimo, va na tisa txiningo ka Mkoma wa Mabutho a Tiyimbi, vathu vo lapha ni kutshura, i ku vathu vo thisa, kukhukhela ve tumbunuka; ditiko da vathu va mtamo ni tingana, ditiko da kona do abaniswa ngu minambo; ka wukhalo wa ditina da Mkoma wa Mabutho a Tiyimbi, mmangoni ka Sinayi.

Isaya 14:32

Ku na xamulwa txani koko ka mitumi ya vathu kani? Va na kha vona: Mkoma a akile makhato a Siyoni, kasi ku vathu vakwe, vale va xanisekako ve mana wuthavelo.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

2 Samuwele 23:4

Se a na fana ni kuwonekela ka mixo, ngako di txi huma ditambo ni mixo ko pwata marefu, ngu kuwoninga ka dona, msana ka kuva ma di wite mati, kumilisa mwasi wa mafu.

Hoseya 14:5

Ka Israyeli ani ni na fana ni mwando, ene a na tshura kufana ni siluva, kambe a na hangalasa mitwi yakwe kufana ni Libhanoni.

Isaya 46:13

Na tshuketisa wululamo wangu, kambe kha wu na mbi va kule, ni kuhanyisa kwangu kha ku na mbi swela; aniko ni na veka kuhanyisa kwangu kona Siyoni, ni wudhumo wangu kona Israyeli.

Isaya 31:9

Se ngu dizowa a na pinda dirigwi dakwe da wuthavelo, ni vathangeli vakwe va na tshotsha m'jeke, kuwomba Mkoma, awule mndilo wakwe wu ku Siyoni, ni txikho txakwe txa hombe txi ku Jerusalema.

Isaya 26:19

Vafi vako va na hanya, vafi vako va na wuka; vhumukani, kambe giyani, anu mi zumbako lithuluni, nguko mwando wako, awe Txizimu, wu na fana ni mwando wa mwasi, se mafu ma na tshotsha mapune vafi.

Masalmo 72:6

Mfumeli a na fane ni mati ma wako tithembweni, e fana ni mapshwi ma nakanisako mafu!

Joyeli 3:17

Se anu mi na tiziva ti to ani ngani Mkoma, Txizimu txanu, ni zumbako Siyoni, mmangoni kwangu ko sawuleka; kambe Jerusalema a na va msawuleki; vamatiko kha va na mbiswa ve pinda ngu ka kona.

Mavingu 19:12

Kuhenya ka mfumeli, kufana ni kubhonga ka txingonyamwana; aniko wunene wakwe wu fana ni mwando txitimwi ka mwasi wo nakanna.

2 Makronika 6:21

Engisa kudila ka txithumi txako ni ka vathu vako va ka Israyeli, mbimo yi va khongelako ka wuwa wukhalo, engisa u di ka wukhalo wu u zumbako ka wona nzumani, engisa kambe divalela.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Amosi 3:7

Ngu ditshuri, Mkoma Txizimu, a na mbi maha txilo na a sa kombisa txihunga txakwe ka sithumi sakwe, vaprofeti.