Isaya 18:2 - Bhiblia Yo Sawuleka

² Adi di rumelako mitumi ngu lineneni, ngu sitataru sa tiwungu txitimwi ka mati, di txi kha dona: Tsulani anu mitumi ya txikuluveta, ka ditiko da vathu vo lapha, vo tshura, ka vathu vo thisa kukhukhela kutumbunukani kwawe; ka ditiko da mtamo ni tingana, mafu a dona ma abaniswako ngu minambo.

Isaya 18:2 Referans Kwoze

Isaya 18:7

Ka yona yile mbimo, va na tisa txiningo ka Mkoma wa Mabutho a Tiyimbi, vathu vo lapha ni kutshura, i ku vathu vo thisa, kukhukhela ve tumbunuka; ditiko da vathu va mtamo ni tingana, ditiko da kona do abaniswa ngu minambo; ka wukhalo wa ditina da Mkoma wa Mabutho a Tiyimbi, mmangoni ka Sinayi.

2 Makronika 16:8

Va Etiyopiya ni va Libhiya kha va ku tela va di xomile yimbi ya hombe va di ni sikotxikani ni vagadhi va mahantxhi kani? Aku u nga ti ti thembile Mkoma ene ava ningetile mawokoni kwako.

2 Makronika 14:9

Zera Muetiyopiya a to huma ni dibutho da yimbi da 1.000.000 wa vavamna, kuya wukela Asa, ni 300 wa sikotxikani ve hoka Maresa.

Ezekhiyele 30:9

Ka ditshiku dileya, ku na khukha mitumi masoni kwangu ngu sitimela sa matini, kuya dhukisa Etiyopiya, ka mihoni yakwe; ku nava ni kupandiseka ka hombe, ku nga ka ditshiku da Egipta; wonani taku data.

Eksodha 2:3

Ngako a nga mbi sikota ku msisa mbimo yo lapha, a to teka disexita da milala e di kopola ngu dibumba ni mraka, se e sisa ka dona mwanana, eya di pfhomeka mu ka makhagala, likasani ka mnambo.

Luka 10:19

Wonani, ni mi ningile mtamo wa kukanda timamba, tihume, ni kuxula wotshe wurena wa Mlala, kuwalo txilo txi no sikota ku mi mahela to biha.

Jobe 9:26

Ma pinda kufana ni sitimela sa matanga, kufana ni digama di ti rinzako ka mpfimba.

Jeremiya 49:14

Ni pfite diguwa di txi ta ngu ka Mkoma, di txi kha dona ku ni mtumi wu rumwako ka matiko, kuya kha wona: Sengeletanani, mwukeleni, khukhani mi txi tsula yimbini.

Obhadhiya 1:1

Txiwoniso txa Obhadhiya: Mkoma Txizimu a womba tiya madingano ni Edhomi: Hi pfite txhumayelo ya Mkoma, ni ku kurumetwe txirumwa ka matiko, kuya womba tiya: “Khukhani, hi khukhela kulwa ni Edhomi.”

Habhakuki 1:7

Mbathu vo thisa ni kudhukisa; wuhombe ni wulamuli wu na huma kwawe vapune.