Isaya 18:1 - Bhiblia Yo Sawuleka

¹ Dikhombo ka ditiko di di mahako mtsudi ngu tibhapi ta dona, adi di ku mtxhatuko ka minambo ya Etiyopiya!

Isaya 18:1 Referans Kwoze

Zefaniya 3:10

Ngu mtxhatuko ka minambo ya Etiyopiya, vakhongeli vangu vo ti ningela, dihorana da kuhangalaka kwangu, va na ni wuyisela mphaxo.

2 Vafumeli 19:9

Mbimo yile ene a nga pfa taku Tiraka i ku mfumeli wa Etiyopiya wa huma, a lava ku kulwisa, a to engeta e rumela mitumi ka Ezekhiya, a txi khene:

Zefaniya 2:12

Se nanu va Etiyopiya, mi na dayelwa ngu ditxhari dangu.

Matewu 23:37

“Jerusalema! Jerusalema! U dayako vaprofeti, u txi balisela ngu marigwi ava va rumelwako kwako! Nzi khati singani ni nga navela kusengeleta vanana vako nga kule ka khukhu yi fundamelako sisondwana sa yona ngu mabhapi, se awe u txi lamba!

Ezekhiyele 30:9

Ka ditshiku dileya, ku na khukha mitumi masoni kwangu ngu sitimela sa matini, kuya dhukisa Etiyopiya, ka mihoni yakwe; ku nava ni kupandiseka ka hombe, ku nga ka ditshiku da Egipta; wonani taku data.

Isaya 31:1

Dikhombo ka vale va relelako Egipta kuya kombela kuvhunwa; kambe va thembako mahantxhi! Va ku ni themba ni sikotxikani, nguko i ku sasingi, ni vagadhi va mahantxhi, nguko mba mtamo ngutu; va singako ni mhaka ni Msawuleki wa ka Israyeli, kambe kha va lavi Mkoma.

Masalmo 91:4

Mkoma a na kufenengeta ngu mitenga yakwe, hahatshi ka tibhapi takwe u na maneka u di tsani; ditshuri dakwe njitxhavangu ni txitsaniso!

Masalmo 63:7

nguko awe u m'vhuneteli wangu. Ni na embelela ngu kutsaka ni di hahatshi ka mabhapi ako!

Masalmo 61:4

Ni lava kuhanyela nyumbani kwako, yotshe mbimo, ni vhikelwa hahatshi ka mabhapi ako.

Masalmo 57:1

Telwa ngu wumbilu ni nani, awe Txizimu, telwa ngu wumbilu, nguko moya wangu wu themba awe. Ni lava kusisala hahatshi ka mabhapi ako, kala phango yi txi pinda.

Masalmo 36:7

La xamalisa ngutu lirando lako, awe Txizimu! Hahatshi ka mabhapi ako, athu hi tipfa hi di kusisalani.

Masalmo 17:8

Ni xayise kufana ni ndololo ya diso dako; ni sise mtsudini ka mabhapi ako,

Rute 2:12

Mkoma a na hakele mithumo yako, u txi amukela hakhelo yako ka Mkoma, Txizimu txa Israyeli, atxile u nga thavela mabhapini ka txona.”

Isaya 37:9

Se mfumeli a ti pfite taku Tiraka, mfumeli wa Etiyopiya, a humile kasi kuya mlwisa. Ngako a di ti pfite eto, a to rumela mitumi ka Ezekhiya, a txi khene:

Isaya 45:14

Mkoma a wombisa tiya: Mthumo wa Egipta, ni dibhindu da Vaetiyopiya, ni Vasabhi, vathu va txiemo txo lapha, si na pinda sita kwako, si na kulumba; va na kulondeta, va nata va di sungilwe ngu titxhini, kambe va nata khizama masoni kwako; va na maha mikombelo yawe kwako, va txi kha vona: Kha ditshuri Txizimu txi kwako, kha ku na tximwani txizimu kambe.