Isaya 17:6 - Bhiblia Yo Sawuleka

⁶ Hambi keto, a na salelwa ngu miboti yokari, nga mndonga wa muolivha, wu di zuzilwe: Wu salako ni mihando yimbidi, mwendo yiraru, titshangwe ka madhavi, ni mune mwendo mtxhanu ka madhavi o nava ngutu, a mndonga wo veleka ngutu, kuwomba Mkoma, Txizimu txa Israyeli.

Isaya 17:6 Referans Kwoze

Isaya 24:13

Nguko ku nava ngu mndani ka mafu, hagari ka vathu vava, kufana ni kuzuzwa ka muolivha, ni sizangwa sa sidotho, na ku di gumile kuhaphelwa ka mauvha.

Dhewuteronome 4:27

Mkoma a na mi hangalasa hagari ka vamatiko, se mi na sala mi di va mtengo wa wudotho, hagari ka mifumo yiya, Mkoma a no va a txi mi yisa ka yona.

Varoma 9:27

Isaya nene wa huwelela ta Israyeli, a txi khene: “Hambiko mtengo wa vanana va ka Israyeli wu fanako ni mtxhefa wa lineneni, miboti yokha ngu yona yi no poniswa;

Obhadhiya 1:5

Ngako makhamba mwendo vahoxoti va txi ta ni wusiku (u hoxotilwe njani!) Ina kha va handi so tala ngutu kani? Ngako va txi ta kwako vahapheli va mauvha, ina va si siyi sizangwa sokari kani?

Valamuli 8:2

Ene a to va xamula a txi khene: “Njitxani txa hombe ni nga maha ani, txo pala ti anu mi nga maha, kani? Ina kani sizangwa sa sidotho mi nga hapha anu va ka Efrayime, hi nga sa lisima kupinda mauvha otshe hi nga elula athu va ka Abhiyezeri, kani?

Varoma 11:26

ngu toneto, votshe va ka Israyeli va na hanyiswa, nga ti ti nga bhalwa taku: “Mtiruli a na huma ngu Siyoni, a na thavisa sisolo ka Jakobe.

Mika 7:1

Dikhombo kwangu! Nguko no nga tile ta kuhaphwa ka mihando ya malanga, ku nga va vo roletela msana ka kuhaphwa ka mauvha: Kha ku na txizangwa txa mauvha o dingana kudyiwa, hambi makuwu o navelwa ngu mbilu yangu.

Ezekhiyele 39:29

Kha ni na mbiswa ni va sisela kambe khohe yangu, mbimo yi ni no va ni di tshakunutile Moya wangu txitimwi ka nyumba ya ka Israyeli, kuwomba Mkoma Txizimu.

Isaya 27:12

Se ku na maheka ka ditshiku dile taku, Mkoma e sengeleta mihando yakwe, kukhukhela milongani ka mnambo, kala ka mnambo wa Egipta; se anu vanana va ka Israyeli, mi na haphelwa, mmweyo-mmweyo.

Isaya 10:22

Nguko hambi ku vathu vako, awe Israyeli, va fanako ni mtxhefa wa lineneni, miboti yokha ngu yona yi no hulukiswa; kulovisa kutsanisilwe, ka thekelela ngu kululama.

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

1 Vafumeli 19:18

Kambe ni mahile ti to kusala ka Israyeli 7.000, otshe mazolo ma nga mbi khizamela Bhahali, ni sotshe sisofu si si nga mbi mpswopswa.

Jeremiya 4:27

Nguko Mkoma a khene: “Ditiko dotshe di na hasamulwa, aniko na mbi di hetisela magwito.