Isaya 17:5 - Bhiblia Yo Sawuleka

⁵ Nguko ku na fana ni mfunyeli a elulako fulaho, wule a funyelako mafaka ngu diwoko dakwe; kambe nga wule a funyelako mafaka mkorani ka Varefayime.

Isaya 17:5 Referans Kwoze

Matewu 13:30

Si lekeni si txi kula ngu wumbidi wa sona kala kuelulani. Se ngu txikhati txa kuelula, nata gela vaeluli ni txi khani: ‘Dulelani nyasavari, kuthanga, mi msungelela ngu tinyanda, kasi e hiswa; aniko fulaho yi theleteleni txisangalani kwangu.’ ”

Joyeli 3:13

Rinzani disikela nguko timbewu ti vitilwe; ngonani, relelani, nguko dipipa di tate ni mapipa ma thekelela; nguko wubihi wawe mbwa hombe.

Jeremiya 51:33

Nguko a khene kha Mkoma wa Mabutho a Tiyimbi, Txizimu txa Israyeli: Mwanana wa dihorana wa Bhabhilona a fana ni wukhalo wo hula ka wona ngu mbimo yo funyela: Ngu mbimo yayidotho ku na hoka kuelula.

2 Samuwele 5:18

Se va to ta Vafilista ve ta hangalaka ngu mkova wa Refayime.

2 Samuwele 5:22

Se Vafilista va to kwelela kambe veya hangalaka mkovani ka Refayime.

Hoseya 6:11

Na nawe Judha kufunyelwa kwako ku emisetwe, mbimo yile ani ni no humisa vathu vangu ngu wukhumbini.

Jeremiya 9:22

Womba! Mkoma a khene: Sirumbi sa vathu si nawa nga sinoniso mu thembweni ni ku nga milumbi ya mueluli, kha nga ho wa kurolela.

Isaya 17:11

Ka ditshiku dile u no yi phaya, u na yi bhiyela, se ni mixo mbewu yi na mila; aniko sile so elulwa si na puruma ngu ditshiku da xomulo, ni da kupandiseka ka hombe ngutu.

Joxuwa 15:8

Kukhukhela koneyo wu txi ya mkovani ka Bheni-Hinome wu txi ta ngu wulambwe, ngu mthekani ka M'jebhusi, i ku Jerusalema; wu txi ya ngu txitimwi ka mmango, awule wu wonanako ni mkova wa Hinomi, ngu didhawa da mswa-ditambo, magwito ka libala la Rafayime, ngu didhawa da wuphemba.

Joxuwa 18:16

Wu txi relela kala magwito ka mmango wule wu ku ngu masoni ka mkova wa Bheni-Hinome, ngu wuphemba ka mkova wa va ka Refayime, wu txi relela mkovani ka Bheni-Hinome, wu txiya didhawa da wulambwe ka mmango wa Jebhusi, se wu txi relela wu txi ya txisimani ka Rogele.

Mavingu 27:25

Mwasi wa thaviswa, kumila wa wuphya; se ka patelwa mwasi wa mimangoni.