Isaya 17:4 - Bhiblia Yo Sawuleka

⁴ Se ka ditshiku donedo ku na hungulwa wudhumo wa Jakobe, ni mafura a mmidi wakwe ma na txutxeka.

Isaya 17:4 Referans Kwoze

Isaya 10:16

Ngu toneto, Mkoma wa Mabutho a Tiyimbi, a na gomisa vale i ku vo ena hagari kwawe, se hahatshi ka wudhumo wa kona ku na tura, kufana ni kutura ka mndilo.

Zefaniya 2:11

Mkoma a na va karata ngutu, nguko a na hoxota sotshe sizimu sa mafu; se votshe va nata mkhozela, mmwani ni mmwani a txi khukhela ka wukhalo wakwe, ka sotshe sitondolo sa matiko.

Ezekhiyele 34:20

Ngu mhaka ya eto, Mkoma Txizimu a mi gela tiya: Wonani taku ani, ani nipune, ni na lamula hagari ka sifuyo so ena ni sifuyo so goma.

Isaya 24:16

Kukhukhela magwito ka mafu, hi pfite kuembelala, kaku: Wudhumo ka wule wo lulama; aniko ani ni khani: Na goma, na goma, dikhombo kwangu! Vakanganyisi va kanganyisa, ina, vakanganyisi va kanganyisa.

Isaya 24:13

Nguko ku nava ngu mndani ka mafu, hagari ka vathu vava, kufana ni kuzuzwa ka muolivha, ni sizangwa sa sidotho, na ku di gumile kuhaphelwa ka mauvha.

Isaya 10:4

Mi na sikota kunama hagari ka vale va nga ñolwa, mwendo kuwa hagari ka sirumbi sile si nga dawa kani? Hambi keto txiviti txakwe kha txa guma, aniko dianza dakwe di ngadi nawulutilwe.

Isaya 9:21

Manasi a na wukela Efrayime, se Efrayime a na wukela Manasi, se ngu wumbidi wawe va na wukela Judha. Se ngu totshe tiya, txiviti txakwe kha txi gumi, ni dianza dakwe a nga ti di guletile.

Isaya 9:8

Mkoma a to rumela dipswi ka Jakobe, se di wela txitimwi ka Israyeli.

Genesisi 41:3

Msana keto, Faro a woni kambe timwani tihomu ta mtxhanu ni timbidi ta vamakati, to onda, ta migwatsamba, ti txi huma ngu mnamboni, ti txi ema hafuhi ka tile to khata, mabambe ka mnambo wa Nilo.

Isaya 10:3

Mi na maha txani anu vamwani ngu ditshiku da txitsayiso, ni da kulovisa kule ku nota ngu kule kani? Mi na tutumela ka mani kuya lava kuvhunwa kani? Tithomba tanu mi na ti veka hani kani?

Isaya 17:3

Se mkhokhola wa Efrayime wu na lova, kumweko ni mfumo wa Dhamasku, ni m'boti wa Siriya; yi na nga wudhumo wa vanana va Israyeli, kuwomba Mkoma wa Mabutho a Tiyimbi.

2 Vafumeli 17:3

A to lwiswa ngu Salmanaseri, mfumeli wa Asiriya, se Hoseya a to maha khumbi yakwe, ni ku mluva.

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

Amosi 3:12

Mkoma a womba tiya: Ku nga m'dyisi a hulukisako minenge yimbidi ya nvuta mkanani ka ngonyamo, mwendo txipembwana txa nzeve, va na hulukisisa toneto vanana va ka Israyeli va hanyako Samariya, ka misingo yo zumbiseka ni mu ka mataho a manene.