Isaya 17:13 - Bhiblia Yo Sawuleka

¹³ Nga toneto, matiko ma na dhuma, nga ti ma dhumisako tona mati amangi, aniko a na ma malata, se ma na tutuma me tsula kule; kambe ma na hangalaswa nga mwasi wa mmangoni, masoni ka moya, ni ku nga dibwinzi, masoni ka txihuhuri.

Isaya 17:13 Referans Kwoze

Masalmo 9:5

U kawukile mahedheni, u lovisile vabihi, u pfhita matina awe, kala kupinduka.

Masalmo 1:4

Kasi hi nga toneto vabihi; vona va fana ni mwasi wu wu huhiswako ngu diphuho.

Jobe 21:18

Nguko ku nga mwasi masoni ka moya, ni ku nga mtungu wu wusako txihuhuri.

Isaya 29:5

Se kutala ka valala vako, ku na fana ni lithulu lo hehuka, ni kutala ka sidayi, nga m'vhutunga wu wu pindako; eto ti na maheka ngu mbimo ya txikavikavi.

Hoseya 13:3

Ngu toneto, va na fana ni direfu da mixo ni ku nga mwando wa mabimbi-kutxa wu kuluvetako kutshatsheka, kufana ni mazokoro ale txihuhuri txi ma rinzako ngu txihuleloni, ni kufana ni wutshi wa txiroroni.

Dhaniyeli 2:35

Sekoko txi to koyolelwa kumweko ni txikete, ni dibumba, koporo, silivhela ni nzalama, asi si nga maneka nga mtungu wa timbimo ta kuoma, se moya wu si huhisa, kambe kha wa maneka wukhalo ni wawumwewo wo si lumba; aniko dirigwi di di nga khundumusa txithombe mmumbu wa hombe, di tata otshe mafu.

Isaya 27:1

Ka ditshiku dile, Mkoma ngu ditxhari dakwe do banga, da hombe, da mtamo, a tsayisa Levhiyatani, i ku mnyoka wa livilo, Levhiyatani, mnyoka wo gombonyeka, kambe a na daya dragoni a ku lineneni.

Isaya 14:25

Ni na khundumusa Asiriya amu ditikoni kwangu, ni mkandetela ngu mikondo amu ka mimango yangu, kasi ku dikange dakwe di na maneka kule navo, ni mrwalo wakwe wu na habukiswa ha makata kwawe.

Masalmo 35:5

Va na fane ni mwasi wu wu huhiswako ngu diphuho; ni mtamo wa Mkoma wu na va tutumise.

Jobe 38:11

ni txi khani: U nata kala hawa, u ngaye masoni kambe, mavimbi ako o thisa me ta phwatikela hawa kani?

Masalmo 65:7

Awe wa malata kubhonga ka mati a linene, ku gobhoza ka mavimbi ni diguwa da vathu.

Isaya 8:7

Wona taku, Mkoma a na tisa mati a mtamo, a mnamboni, txitimwi kwawe, ngu ti to, mfumeli wa Asiriya ni wudhumo wakwe wotshe a nata ngu milonga yakwe yotshe e khulungela ka yotshe milonga yakwe;

Isaya 21:15

Nguko va tutuma masoni ka matxhari, masoni ka ditxhari da kwa mbi phutelwa, ni masoni ka wulaho ni tingove, ni masoni ka yimbi yo thisa.

Isaya 22:18

Ngu ditshuri a na ku rindilitela kufana ni bhola ka wukhalo wo anama, wa hombe ngutu; koneyo u na fela kona, kambe koneyo si na gumela kona sikotxikani sa wudhumo wako, i ku tingana ka nyumba ya nyamne wako.

Isaya 34:17

Nguko ene apune a xaxuvile tixolo, ni dianza dakwe di si abanisete ditiko ngu ngoti; si na di fumela yotshe mbimo, ku na zumba liveleko ni liveleko ka dona.

Isaya 40:15

Wonani taku matiko ma fana ni dithotho da mati, di thothoketelako mu ka dibhaketi, ni ku nga lithulu la lidotho la sikaloni; sitondolo si fana ni tximaha txatxidotho ngutu.

Isaya 40:24

Se kha va phawi, hambi kuxwaywa, hambi kuzima mikoloti mafuni, ya txitsha txi txi nga sala; wa futeta txitimwi kwawe, se va txi oma; se moya wu na va purumisa kufana ni mthungu.

Isaya 41:11

Wona taku, votshe vale va ku henyelako, va na wiswa tingana ni ku khulumetelwa; kambe kha va na mbi va va txilo; ni vale va kulwisako, va na lova.

Zefaniya 2:2

kusanzi kuhuma txileleto, aha ditshiku di no pindisa ku nga mwasi; kusanzi kuta txitimwi kwanu kuhenya ka Mkoma; ina, di sanzi kuta txitimwi kwanu ditshiku da kuhenya ka Mkoma.

Masalmo 65:8

Hambi ni vale va nga aka ka matiko a kule va dhudhumela masoni ka sidiwukiso sako; simaho sako si tisa mikulungwani ya litsako kukhukhela makhatoni kala magwito ka ditiko.

Isaya 30:28

kuhefemula kwakwe kufana ni txinambwana txi thekelelako, txa mati o gwitela mkoloni, kasi kutsetseta matiko ngu txiselo txo mbi vhuna txilo; ni matomu o pengisa, ma nava titshayani ka vathu.