Isaya 17:12 - Bhiblia Yo Sawuleka

¹² Dikhombo ka dibutho da hombe da vathu vale va bhongako, nga ti ti bhongisako tona tinene, ni kudhuma ka matiko, ma dhumako kufana ni kudhuma ka mati o tala!

Isaya 17:12 Referans Kwoze

Luka 21:25

“Ku nava ku di ni sikombiso ha ditamboni, ha mtximani ni tinyeletini. Ha mafuni ku na vaho kuxaniseka ka matiko ngu kuthava diguwa da kudhuma ka mavimbi ni linene.

Jeremiya 6:23

Va ñola malaho ni matxhari; va ni timbiti, kha va na wumbilu; diguwa dawe ngu nga txiwuta txa linene, va gadhile mahantxhi na va di xomile kulwa ni nawe, awe m'horana wa Siyoni.

Masalmo 18:4

Ni randetwe ngu titxhini ta lifo, ni minambo ya wubihi yi ni fenengetile.

Mtuletelo 17:15

Ngelozi yi to engeta yi txi kha yona: Mati yawa u nga ma wona, ahawa digelegele di nga khala kona, i matiko ni mabutho a vathu, mifumo ni tidimi.

Mtuletelo 17:1

Se yimweyo ka tingelozi ta mtxhanu ni timbidi ti nga ti ñote mtxhanu wa magombe ni mambidi yi to ta yi ta ni gela tiya: “Ngono, ni ta kukomba kulamulwa ka digelegele da hombe, di nga khalahatsha ha mabambe ka mati o tala,

Ezekhiyele 43:2

Kuphatima ka Txizimu txa ka Israyeli ku ti ti ta ngu nzila ya wutxani; se dipswi da txona di ti nga ova diguwa da mati amangi, se mafu ma to vangamela ngu mhaka ya kuphatima ka txona.

Isaya 28:17

Se ni na lulamisa wulamuli ngu ngoti, ni wululami ngu txyemo, se maralala ma na hiyela wuthavelo wa makuhu, mati ma na fenengeta ko sisala kona,

Isaya 9:5

Nguko otshe matxhari a vale va nga lwa yimbini, ni syambalo sile si nga phutela mnoha, si na rinzwa mndiloni, si txi hiswa.

Masalmo 29:3

Dipswi da Mkoma da pfala hagari ka linene; Txizimu txo dhumiseka txa dhindisa nzuma txitimwi ka Linene la hombe!

Mitengo 10:35

Mbimo yi koko dibhokiso di nga ti khukha, Mosi a ti ti khene: “Wuka Mkoma, valala vako va na hangalaswe, ni va va ku vengako, va na thave masoni kwako.”

Masalmo 83:2

Wona valala vako va maha pfilu-pfilu; ni vale va ku vengako va kuwukela.

Isaya 8:9

Mahani diguwa da kulwa, anu matiko, mi na funyeletelwa; riyani tinzeve motshenu va matiko a kule, tsanani, mi na phatulelwa, tsanani, mi na phatulelwa.

Isaya 13:4

Se ka pfala diguwa da vathu txitimwi ka mimango, do fana ni da dibutho da hombe da vathu, dipswi da mifumo ya matiko ma nga sengeletana. Mkoma wa Mabutho a Tiyimbi, wa xola dibutho da yimbi.

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Mika 4:11

Konkuwa ma sengeletanile matiko amangi me kuwukela, ma txi kha ona: A na nyenyeziswe, se maso athu ma na wona kunavela kwakwe txitimwi ka Siyoni.

Dhaniyeli 7:2

Dhaniyeli a to womba a txi khene: Ni to wona amu ka txiwoniso txangu txa ha wusiku, mune wa mimoya ya nzumani yi txi vhilusa mati a Linene la hombe.