Isaya 17:1 - Bhiblia Yo Sawuleka

¹ Mahungu a Dhamasku. Wona taku Dhamasku a na thaviswa, kha na mbiswa e maha didhoropa, aniko a na maha mmumbu wa marumbi.

Isaya 17:1 Referans Kwoze

Zakariya 9:1

Dipswi da Mkoma do wukela ditiko da Hadraki ni Dhamasku, i ku wukhalo wakwe wo humula ka wona; nguko mawonelo a vathu ni a totshe tihunzu ta ka Israyeli, ma rendekela ka Mkoma.

Isaya 25:2

Nguko didhoropa u di mahile mmumbu wa marigwi, didhoropa do tsana u di mahile dirumbi, se dizumbo da vamatiko, di nga mahe kambe didhoropa, di nge ngadi di aketwa kambe.

Mithumo 9:2

eya kombela kwakwe mapasi awa ma nga bhalelwa masinagoga a Dhamasku, ti to ngako a txi ya mana koneyo vathu va Nzila yiya, vavamna mwendo vavasikati, e va yisa Jerusalema, va di sungilwe.

Mika 1:6

Ngu toneto, ni na maha ngu Samariya mmumbu wa marigwi a thembweni, i ku mafu o phaya ka ona mivhinya, se ni na rindilitela marigwi a kona mkovani, ni na tumbula makhato a kona.

Jeremiya 49:2

Ngu toneto, mata masiku, kuwomba Mkoma, aha ni no pfalisa diguwa da yimbi ya Rama yo wukela vanana va Amoni, a na maha mmumbu wa marumbi ni makhalo ya a ma fumelako ma na hiswa ngu mndilo; Israyeli a na lumbwa ngu vale a nga txi va lumba, kuwomba Mkoma.

Isaya 7:8

Nguko m'zinda ka Siriya ngu Dhamasku, ni msungo wa Dhamasku i Rezimi; se mndani ka mtxhanu wa magumi ni dimwedo, ni mtxhanu wa malembe, Efrayime a na xaselwa, e leka kuva ni vathu.

Genesisi 14:15

Se ene a to abanisa vathu vakwe ngu mitxawa, va txi dayela valala vawe ni wusiku, ve va khozisa, ni kuva hinga kala Hobha, wuphemba ka Dhamasku.

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Isaya 37:26

Ina u ngava u sa tipfa taku, ngu kale ni ti mahile toneto, niku kukhukhela masiku a kale ni ti ti pimisile kani? Konkuwa koko ti na tatiseke, kambe ani ni lavile ti to i di awe u ku ta khundumusa madhoropa a mtamo, niku u txi ma maha mimumbu ya siwula.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Isaya 15:1

Mahungu a Mowabhi. Ngu ditshuri, ngu wusiku wumwewo, didhoropa da Are wa Mowabhi di khundumusilwe, di fuvisilwe; ngu ditshuri, ngu wusiku wumwewo, didhoropa da Kiri wa Mowabhi, di khundumusilwe, di fuvisilwe.

Isaya 13:1

Mahungu ya ma nga woniswa Isaya mwana Amosi, madingano ni Bhabhilona.

Isaya 10:9

Ina Kalino hi nga ku nga Karkemisi kani? Hamati hi nga ku nga Aripadhe kani? Se Samariya, kha fani ni Dhamasku kani?

Isaya 8:4

Nguko mwanana na a sinzi kuziva kuwomba ku tate wangu, mwendo ku mame wangu, tithomba ta Dhamasku ni simaha si si nga honyolwa Samariya, si na yiswa masoni ka mfumeli wa Asiriya.

2 Makronika 28:23

Nguko a to phaxela ka sizimu sa Dhamasku, sile si nga mxula, se a nje khene: Ngako sizimu sa vafumeli va Siriya si nga va vhuna, ni na si mahela miphaxo, kasi ku si na ni vhuna. Aniko si to va lovisa vona, ni va ka Israyeli.

2 Makronika 28:5

Mkoma Txizimu txakwe txi to mningela manzani ka vafumeli va Siriya. Vasiriya va to mxasela ve teka ni vathu vakwe ve va yisa Dhamasku. Akazi a to ningelwa manzani ka mfumeli wa va ka Israyeli, se Vaisrayeli va to mxula.

2 Vafumeli 16:9

Se mfumeli wa Asiriya a to mu engisa; sekoko mfumeli wa Asiriya a to lwisa didhoropa da Dhamasku e di teka, vathu va kona a to va tsulisa Kiri, se a to daya Rezini.

Genesisi 15:2

Sekoko Abramu a xamute, a txi khene: “Awe Mkoma Txizimu, u na ni ninga txani kani? Nguko ni konkuwa kha ninzi kuva ni mwanana, se awu a no dya thomba yangu i Eliyezeri wa Dhamasku.”

1 Makronika 18:5

Se Vasiriya va to ta ngu Dhamasku, ku ta vhuna Hadhadhezeri, mfumeli wa Zobha; kambe Dhavhidha a to daya 22.000 wa vavamna va Vasiriya.

1 Vafumeli 11:24

a to tshanganisa vavamna e maha mthangeli wawe, mbimo yile Dhavhidha a nga va daya, se va to tsula Dhamasku, va to zumba koneyo, ve fuma Dhamasku.

Dhewuteronome 13:16

Se u na tshanganisa yotshe thomba yawe hagari ka mthanda wa didhoropa, u hisa dotshe didhoropa, ni yotshe thomba ya dona, sotsheso u hisela Mkoma, Txizimu txako, u si siyi ni txa tximwetxo; se di na va dirumbi yotshe mbimo, kha di na mbiswa di aketwa.

Isaya 7:16

Ngu ditshuri, mwanana wuwa, a sinzi kuziva kulamba to biha ni kusawula tinene, ditiko edo u thavako vafumeli vambidi va dona, di na maha dirumbi.