Isaya 16:8 - Bhiblia Yo Sawuleka

⁸ Nguko tithembwe ta Hesibhoni ni m'vhinya wa Sibhima, si omile; vanyamne va matiko va phayile mindonga yawe ya yinene; va hoka kona Jazeri; va rerela txiwulani; madhavi a kona ma navile, se ma hokile mtxhatuko ka linene.

Isaya 16:8 Referans Kwoze

Isaya 15:4

Ngu kumaha keto, Hesibhoni ni Eleyale va keta; mapswi awe ma pfala kala Jahaza; ngu toneto, ava va nga xoma va Mowabhi vadila; muhefemulo wakwe wa dhudhumela mndani kwawe.

Mitengo 32:38

Se, Nebho, ni Bhahali-Meyoni, va txitxile matina, ni Sibhima. Se ve ninga mamwani matina, ka madhoropa awa va nga ma aketa.

Jeremiya 48:32

Ni na ku dilelisa ku nga ti ta Jazeri, awe mndonga wa Sibhima; madhavi ako ma pindile linene, ma hokile ka Linene la Jazeri; aniko muhasamuli a wite txitimwi ka mihando ya mbimo ya malanga, ni thembweni kwako.

Isaya 24:7

Dosi ya dila, ni m'vhinya wa guma mtamo, se votshe vale va tsakako timbiluni kwawe, va na keta.

Isaya 16:9

Ngu toneto, ni na dila ngu madilelo a Jazeri, i ku m'vhinya wa Sibhima; ni na ku nakanisa ngu mirongo yangu, awe Hesibhoni, ni Eleyale, nguko litsako la hombe la mihando yako ya malanga, ni la kuelula kwako, li mwalate.

Isaya 10:7

hambiko ene a singako ni mhaka nito, hambi mbiluni kwakwe, kha alakanyeli eto; Aniko mbilu yakwe yi navela kuhoxota, ni kulovisa matiko o tala.

2 Samuwele 1:21

Anu mimango ya Gilibhowa, ku nga thuke kuwa mwando, hambi nzuma yi nga ne txitimwi kwanu, hambi txitimwi kwanu, tithembwe ta miningelo yo diwitelwa, nguko nguho ku nga txhipiswa ngutu sitxhavangu sa tindena, txitxhavangu txa Sawule, ku nga kha txi zivi kutotwa mafura.

Joxuwa 13:25

Ditiko da kona i Jazeri, ni madhoropa otshe a Gileyadhi, hafu ya ditiko da vanana va ka Amoni, kala Aroweri, masoni ka Rabha,

Joxuwa 13:19

Kiriyatayimi, Sibhima ni Sereti-Xahari ka mmango wa mkovani;

Mitengo 32:3

Atarote, ni Dhibhoni, ni Jazeri, ni Ninira, ni Hesibhoni, ni Eleyale, ni Sebhani, ni Nebho, ni Bheyoni,

Mitengo 21:32

Msana keto, Mosi a to ruma mitumi ya kuya xola ditiko da Jazera, va to honyola yotshe mikhokhola yi nga ti hahatshi kwawe, ve tutumisa Vaamori va va nga ti akile koneyo.

Mitengo 32:35

Ni Atirote-Xofani, ni Jazeri, ni Jogibhiya;