Isaya 16:4 - Bhiblia Yo Sawuleka

⁴ Va na luvele kwako awe Mowabhi, vale va nga tovelwa, uva wuthavelo wawe masoni ka mxaseli; nguko m'thu wo xanisa a na va ni magwito; kukhundumuswa ka hangalaswa, se vaxanisi va mwalatwa ha mafuni.

Isaya 16:4 Referans Kwoze

Isaya 14:4

sekoko u na embelela ndando yo tseketsela mfumeli wa Bhabhilona, u txi khawe: A gwitete hayi mxanisi, ni didhoropa da nzalama di gwitisile kutxani!

Malakiya 4:3

Se mi na kandetela vabihi, nguko va na maha dikhuma hahatshi ka mikondo yanu, ka ditshiku dile ni no maha eto, kuwomba Mkoma wa Mabutho a Tiyimbi.

Isaya 51:13

Kambe wa divala Mkoma wu a nga kuvanga, awu a nga nawuluta nzuma ni kumaha makhato a mafu, u zumbela kuthava masiku otshe, ngu mhaka ya tshofu ya mxanisi, a txi ti longisela kuya haxula kani? Ku hani kuhenya ka wule a nga ti kuxanisa kani?

Isaya 9:4

Nguko awe u funyile dikange dile di nga ti nemela txitimwi kwakwe, ni limhika lile li nga ti va peka makatani kwakwe, ndonga ya mxanisi wawe, kufana ni disthiku da Vamidhiyani.

Mtuletelo 11:2

Se mtendela wa hahanze ka Dithepele, wu leke u nga wu pime, nguko wona wu ningetwe ka vamatiko, ava va no kandetela ngu mikondo didhoropa do sawuleka txipimo txa mune wa magumi a mitxima ni yimbidi.

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Zakariya 10:5

Se va na nga tindena ti ganyatako valala va tona, amu ka madhaka a tinzilani, kulwani, va wulelako kulwani ngu madhakani ka tinzila, ve tshinda valala, nguko Mkoma a na va navo, se vona va na thela tingana vale va tsimbilako va di gadhile mahantxhi.

Jeremiya 48:18

Txhika ngu mfumoni kwako, u txi khalahatsha mu ka kuoma, awe muaki, mwana Dhibhoni; nguko muhasamuli wa Mowabhi a ku hokete, a tshungunulete maguma ako.

Jeremiya 48:8

Nguko a nata mxaseli txitimwi ka didhoropa dimwedo ni dimwedo, kha ku na mbi huluka ni da dimwedo, mkova wu na lova, ku na onhetelwa lotshe libala; nguko Mkoma a wombile.

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.

Isaya 33:1

Dikhombo kwako u handako na u sa handwa, awe u kanganyisako vale, va nga mbi kukanganyisa! Mbimo yi u no heta kuhanda, u na handwa; u txi na heta kukanganyisa, u na kanganyiswa nawe.

Isaya 25:10

Nguko dianza da Mkoma, di na humula ka mmango wuwa; aniko Mowabhi a na ganyatelwa hahatshi ka wona, kufana ni kuganyatelwa ka mwasi ditalani.

Isaya 15:6

Nguko mati a Ninirimi ma nava ma di phwite; nguko mwasi wu omile, kupwateka ni diphundenyana se kha ku nga ni dizokoro ni da dimwedo do rumbuka.

Dhewuteronome 24:14

U nga kalavele txithumi txile i ku txisiwana mwendo txikulungu, hagari ka va ka kwanu, mwendo mluveli wu a ku ditikoni kwanu, ni didhoropani kwanu.

Varoma 16:20

Txizimu txa kudikha txi na kuluvete kuganyatela Sathani hahatshi ka mikondo yanu. Makatekwa a Mkoma wathu Jesu Kristu ma nave ni nanu.

Zakariya 9:8

Se ani ni na riyela mabutho akwe, madhawani ka nyumba yangu, kasi ku si pindi ni wammweyo, ni ti to ku si tshumeli ni wammweyo; a ti to ku sisuri kupinda mlala ni wammweyo, nguko konkuwa ni ti woni.

Isaya 49:26

Se vaxanisi vako ni na va dyisa nyama yawe vapune, va na leviswa ngu mnoha wawe vapune, ku nga vhinya, se nyama yotshe yi na tiziva tito, ani ngani Mkoma, Muhanyisi wako, mtiruli wako, Nyamitamo wa Jakobe.

Isaya 54:14

U na tsaniswa ngu kululama, kambe u na va kule ni wukhozisi, nguko khu na mbi thava; hambi ni kuxamala, nguko kha ku na mbi kuhokela.

Isaya 58:7

Ina kambe khu abani sakudya sako ni wule a ku ni nzala, ni kuamukela m'tini kwako sisiwana sile si nga tovelwa kani? Ni ti to u txi mu wona i di tximbwiri u mfengeta, kambe khu sisaleli wule i ku wa ka kwanu kani?

Jeremiya 40:11

Ngu nzila yo nga yoneyo, mbimo yi votshe Vajudha vale va nga ti Mowabhi, hagari ka vanana va Amoni, ni Edhomi, ni votshe vale va nga ti ti ka otshe matiko ale, va nga pfa to kha vona mfumeli wa Bhabhilona a ti ti lekile vamwani kona Judha, niku a ti ti va vekete Gedhaliya, mwana Ahikamu, mwana Xafani.

Obhadhiya 1:14

hambi kuema mahandakanyani, kasi kufuvisa avale va no huluka, mwendo kuningela va va no sala, ngu ditshiku da xomulo.