Isaya 16:3 - Bhiblia Yo Sawuleka

³ Teka wudhota, hi mahele wululamo, se veka mtsudi wako ni mitshikari wu txi nga wusiku; sisa vale vo tovelwa, u nga ningele vale va tutumako.

Isaya 16:3 Referans Kwoze

Isaya 32:2

Se wamwamna wule a na fana ni txivhikelo txo vhikela moya, a na nga wuthavelo ka txihuhuri, ni ku nga lidhonga la mati ka makhalo a kuoma, ni mtsudi wa dirigwi da hombe ka ditiko da txihala.

1 Vafumeli 18:4

nguko ku mahekile tito, mbimo yile Jezabheli a nga ti dayela vaprofeti va Mkoma, Obhadhiya a to teka 100 wa vaprofeti, se e sisa mtxhanu wa magumi kheno, ni vamwani va mtxhanu wa magumi kheya, amu ka diphala, e va dyisa ngu mapawu ni mati).

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

Matewu 25:35

Nguko mbimo yi ni nga ti ni nzala, anu mi ni phamete sakudya; mbimo yi ni nga ti ni ditora, mi ni ningile mati ni sela; mbimo yi ni nga ti muendi, mi ni amukete.

Zakariya 7:9

Mkoma wa Mabutho a Tiyimbi a to womba, a txi khene: Mahani wululamo wa ditshuri, kombisani kudivalela ni wumbilu, mmwani ni mmwani ka mwanawe;

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Jeremiya 22:3

“Mkoma a khene: Lamulani ngu fanelo ni kululama, mi txi hulukisa wu a handwako manzani ka mtsindaveti, mi nga xaniseni mluveli, ni txisiwana, ni noni, mi nga va tsindaveteni, hambi kutheketa mnoha wa va va kuwalo mnandu ka wuwa wukhalo.”

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.

Isaya 56:8

Mkoma Txizimu, wule a sengeletako va va nga hangalaka, va ka Israyeli, a womba tiya: “Kambe ni na sengeleta vamwani, ka vale va nga sengeletwa.

Isaya 25:4

Nguko uve mkhokhola wa txisiwana, kambe uve mkhokhola wa wule wo pwata, kuxanisekani kwawe; wuthavelo masoni ka txihuhuri, ni mtsudi ha lisanini; nguko kufuteta ka vaxanisi, kufana ni txihuhuri txo peka diguma.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Isaya 1:17

Gondani kumaha ta tinene; lavani kululama, vhunani va va xanisekako, mi seketela vo felwa ngu vaveleki, mi lwela tinoni.

Valamuli 9:15

Se txikaye txi to womba ka mindonga yotshe txi txi kha txona: Ngako ngu ditshuri mi txi ni tota mafura kasi ku ni txi fuma txitimwi kwanu, ngonani mi ta sisala mtsundini kwangu. Ngako i si nga tona, wu na hume mndilo ngu ka txikaye, wu txi ta hisa mikedhari ya Libhanoni!

Isaya 58:7

Ina kambe khu abani sakudya sako ni wule a ku ni nzala, ni kuamukela m'tini kwako sisiwana sile si nga tovelwa kani? Ni ti to u txi mu wona i di tximbwiri u mfengeta, kambe khu sisaleli wule i ku wa ka kwanu kani?