Isaya 16:12 - Bhiblia Yo Sawuleka

¹² Se ku na maheka taku, mbimo yi Mowabhi a no ti kombekisa, ngako a txi na karala ka makhalo o guleka, a txi wulela dithepeleni kwawe e khongela, kha na mbi mana txilo.

Isaya 16:12 Referans Kwoze

Isaya 15:2

Vaaki va Bhajite ni Dhibhoni, va kwelela ka makhalo o guleka, kuya dila kona; Mowabhi wa peka huwa ngu mhaka ya Nebho ni Medhebha; yotshe misungo yi na maha tigwayi, ni sotshe siletu si na va si di yotwe.

Jeremiya 48:35

Ni na fuvisa vale va phaxelako ni kuhisa dibaselo ka sizimu sawe txitimwi ka Mowabhi.

1 Vafumeli 18:29

Se ku to maheka a ti to ku di pindile hagari ka mitshikari, va to profeta, kala kuza mphaxo wa sakudya wu txi ningelwa; hambiketo kha ka pfala dipswi hambi xamulo, ni kwa mbi khatala ngu txilo.

Mitengo 23:28

Sekoko Bhalake a to yisa Bhalahamu txitimwi ka mmango wa Peyori, wo rendekelana ni txiwula.

Mitengo 23:14

Ngu koneho, a to mteka e tsula nayo thembweni ka Zofima, ngu txitimwi ka Pisiga; se konaho a to aka mtxhanu wa siluvelo ni simbidi, e ningela dirole ni hamba, txitimwi ka txiluvelo tximwani ni tximwani.

Mitengo 22:39

Se Bhalahamu a to tsula ni Bhalake va txi ya Kiriyati-Uzoti.

Jeremiya 48:46

Dikhombo kwako Mowabhi; va lovile vathu va Kemoxe; nguko vanana vako va mahilwe tikhumbi, ni mahorana ako ma wukhumbini.

Jeremiya 48:13

Mowabhi a nave ni tingana ngu Kemosi, nga kule nyumba ya ka Israyeli yi nga pfa tingana ngu Bheteli, txithembo txakwe.

Jeremiya 48:7

Nguko, ngu mhaka ya ku u thembako mithumo yako ni tithomba tako, na nawe u na xulwa; Kemoxe a na yiswa wukhumbini, kumweko ni vaphaxeli ni vathangeli.

Jeremiya 10:5

Sifananiso sa ku nga phande thembweni ka mikhokho, si ema kona aniko kha si wombawombi; sona si lava kupakatwa, nguko kha si sikoti kutsimbila. Mi nga si thaveni, nguko kha si zivi kumaha kubiha, hambi kuva ni mtamo wo maha tinene.

Isaya 47:13

U ti karalisile ngu kuxaxuwa kotala; va na wuke koko konkuwa, avale va pimako nzuma, vale va nga ti wonetela tinyeleti, va va hutako kumeka ka mtxima, va na ku hulukise ka ti ti nota txitimwi kwako.

Isaya 37:38

Se ku to maheka taku, na a di namile nyumbani ka Nisiroke, txizimu txakwe, vanana vakwe i ku Adrameleki ni Saresari, va to m'daya ngu ditxhari; se va to tutuma veya ditikoni ka Ararati. Esari-Hadhomi, mmweyo wa vanana vakwe, a to fuma ka wukhalo wa tate wakwe.

Isaya 26:16

Mkoma va ku endete kuxanisekani kwawe; mbimo yile txitsayiso txako txi ngata txitimwi kwawe, va to tshakunuta mkombelo wawe wa txihunja.

Mavingu 1:28

Sekoko mi na ni dhana, aniko ani kha ni na mbi xamula; mi na ni lava ngu mabimbi-kutxa, aniko kha mi na mbi ni mana.

2 Vafumeli 19:12

Ina ma nga va ma di txhatxhisilwe ngu sizimu sa mifumo yile yi nga fuviswa, i ku madhoropa a Gozani, Harani ni Rasefi, ni ka vanana va Edheni, va nga txi zumba Telasari kani?

2 Vafumeli 3:27

Sekoko a to teka mfana wakwe wa matiwula, a nga txi dingana kufuma ka wukhalo wakwe, e maha ngene mningelo txitimwi ka diguma; se ku to maneka gujeguje ya hombe ka Israyeli; ngu mhaka yeto, va to tiwuka ve tshumelela ditikoni kwawe.

1 Vafumeli 11:7

Se Solomoni a to aka wukhalo wo dhumisa ka wona Kemosi, i nga ti txizimu txo biha txa Vamowabhi, ka mmango wu nga ti maneka wutxani ka Jerusalema, ni wukhalo wo dhumisa Moloke, txizimu txa walo txa Vaamoni.

Mitengo 24:17

Ni na mmona, aniko na i si nga konkuwa; Ani ni na mmona aniko i si nga hafuhi; nyeleti yokari yi nata ngu ka Jakobe, ni ndonga yi na huma ngu ka Israyeli, kambe yi peka mihingano ya Vamowabhi, yi txi khundumusa votshe vanana va Sete.

Mitengo 22:41

Se ku to maheka taku, ni mixo, Bhalake e teka Bhalahamu, e kwela nayo mmangoni ka Bhamoti-Bhahali, kasi kuya wona magwito ka wugovelo wa ka Israyeli.

Mitengo 21:28

Nguko mndilo wu tile ngu Hesibhoni, mxavingo wu khukhete didhoropani ka Sihoni; se wu lovisile Are, wa Vamowabhi, ni vahombe va mimangoni ka Arnoni.

Isaya 16:13

Adiya ngu dona dipswi di Mkoma a ngadi womba kale, do wukela Mowabhi.