Isaya 16:11 - Bhiblia Yo Sawuleka

¹¹ Ngu mhaka yeto, masembe angu ma tuma, ngu mhaka ya Mowabhi, kufana ni txitende, ni mndani kwangu, ngu mhaka ya Kiri-Heresi.

Isaya 16:11 Referans Kwoze

Isaya 15:5

Mbilu yangu ya dila ngu mhaka ya Mowabhi; vahombe vawe va tutumile veya Zowari, kufana ni dirole da malembe mararu, nguko va dila va txi kwelela Luwiti, nguko, nzilani ka Horhonayi, va wusa kudila ka hombe ngutu.

Vafilipiya 2:1

Ngu toneto, ngako ku diho kuthavelelana ngu ka Kristu, ni kumalatelana ngu lirando, ni mpatano wa Moya, ngako ku diho wuxinji ni kuxanisekelana,

Hoseya 11:8

Ni ndi na kulekisa kutxani, awe Efrayime kani? Ni ndi na kuningelisa kutxani, awe Israyeli kani? Ni ndi na kumahisa kutxani ku nga Adhama kani? Ina ni ndi na kuveka ku nga Zebhoyimi kani? Mbilu yangu yi txitxile mndani kwangu, kotshe kunavela kwangu ka tura.

Jeremiya 48:36

Ngu toneto, yi na pfalisa ku nga tshodi mbilu yangu ngu vavamna va Kiri-Heresi; na va di luzile mpfuno wu va nga sengeleta.

Isaya 63:15

Wona na u di nzumani, se u wona na u di ka wukhalo wako wo sawuleka, ni kudhundeka. Txi hayi txiluse txako, ni mithumo yako ya mtamo kani? U nga thavise kwangu lirando la mndani kwako ni la wumbilu wako!

Jeremiya 31:20

Ina Efrayime hi nga mwanangu a randekako kani? Txirandwa ngu mbilu kani? Nguko hambi ni txi m'wukela, na khumbula ngu kupinda mpimo mbilu yangu ya bhibhikela ngu mhaka yakwe, kambe ni na m'hawukela, kuwomba Mkoma.

Jeremiya 4:19

Mbiluni kwangu, mbiluni kwangu! Ni ni kupandiseka mbiluni kwangu! Mbilu yangu ya bhibhika-bhibhika, kha ni sikoti kumalala; nguko dihika dangu di pfite txiwungulati txa mpundu, ni tihuwa ta tiyimbi.

Isaya 21:3

Ngu toneto, txiwunu txangu txi taletwe ngu kupanda ka hombe; kupandiseka ku ni ñote ku nga kupandiseka ka wule a lumwako; na xaniseka ngutu, aha ko kha ni sikoti ni kuengisa, ni dhukile ngutu, kha ni sikoti ni kuwona.

Jeremiya 48:31

Ngu kota yeto, ni na xanisekela Mowabhi; ina ni na diliswa ngu Mowabhi, nguko vavamna va Kiri-Heresi va na vilela.

Sidilo 1:20

Wona Mkoma, ati ni xanisekisako tona; moya wangu wu ha kukaratekani ngutu. Ni ha kupandisekani ka hombe ngutu, nguko ni ti lambisile ngutu. Hahanze kheya, ni dawetwe vanana ngu ditxhari; mndani kwangu ku ni lifo.