Isaya 16:10 - Bhiblia Yo Sawuleka

¹⁰ Se kubhuma ni litsako si thavisilwe thembweni ko nona, mivhinyani kha kuembelelwi, kambe kha ku nga ni kutsaka ka hombe ni kakumweko; ni mkami kha na mbi kamela kambe mauvha amu mapipani. Ani ni malatile kutsaka ka hombe.

Isaya 16:10 Referans Kwoze

Jeremiya 48:33

Kutsaka ni kunengela si thavisilwe thembweni ko nona ni ditikoni ka Mowabhi; nguko ni mahile ti to yi guma vhinya mapipani: Kha va na mbi rukuta mauvha ngu kutsaka: Kutsaka ku na maha tihuwa.

Amosi 5:17

Ka totshe tithembwe ta mivhinya ku nava ni txidilo, nguko na pinda ngu hagari kwako kuwomba Mkoma.

Amosi 5:11

Ngu koneho a ku mi kandako txisiwana, ka txona mi lava nduwo ya fulaho, mi na aka tinyumba ngu marigwi o vatwa, kambe kha mi na mba zumba ka tona: Mi na phaya mivhinya yo tsakisa, kambe mi na mbi sela vhinya ya kona.

Valamuli 9:27

Vona va to huma va txi ya thembweni kasi kuya elula mivhinya yawe, ve phwarasela mauvha awe, ve maha mibuso, va txi wulela dithepeleni ka txizimu txawe, amu va nga ya dyela kona ni kusela kona va txi ruketela Abhimeleki.

Zefaniya 1:13

Ngu toneto, yi na handwa thomba yawe, ni kuxaselwa tinyumbani kwawe; kambe va na aka tinyumba, aniko kha va na mbi zumba ka tona, va na phaya mivhinya, aniko kha na mbi yi sela vhinya ya kona.

Isaya 32:10

Nguko msana ka dilembe ni masikwanyana, mi na karatwa anu vavasikati vo ti themba; nguko kuhaphelwa ka mihando ku na gwita, hambi kufunyelwa kha ku na mbiswa ku diho.

Jobe 24:11

Mndani ka maguma awe va maha mtona; va kamela sa kusela mapipani, aniko va ngadi ni ditora.

Isaya 24:11

Ku ni tihuwa amu ka tinzila ta hombe, ngu mhaka yo lava vhinya; kotshe kutsaka ku phumile, ni misakano ya mafu yi gumile.

Joyeli 1:12

M'vhinya wu omile, mkuwu wu wunile; mromani ni wona, ni mtxhese ni m'hapula; yotshe mindonga ya txitinga yi omile, hambi litsako li omile ka vanana va vathu.

Amosi 9:13

Wonani ta ku mata masiku, kuwomba Mkoma, a ya awu a dimako, a na manela wule a elulaka; ni wule a ganyatelako mauvha, a na manela wule a phayako mbewu; mimango yi na vilisa vhinya, sotshe simangwana si na nyuka.

Ezekhiyele 7:7

kata kulamulwa kwako, kwako awe u zumbako ditikoni. Yata mbimo; di hokile ditshiku da pfilu-pfilu, na i si nga da litsako, txitimwi ka mimango.