Isaya 16:1 - Bhiblia Yo Sawuleka

¹ Rumelani txinvutana ka mfumeli wa ditiko, txi txi khukhela txiwulani ka Sela, kala mmangoni ka dihorana da Siyoni.

Isaya 16:1 Referans Kwoze

Isaya 10:32

Ka ditshiku donedo, a na hoka Nobhe, e kombisa txibhakela mmangoni ka dihorana da Siyoni, ni ka mmango wa Jerusalema.

2 Vafumeli 3:4

Sekoko Mesa, mfumeli wa Vamowabhi, i ti ti muhodhi wa sifuyo, a to dihela ka mfumeli wa Israyeli 100.000 wa sihambana, ni 100.000 wa tihamba, e ningela ni matoya a kona.

2 Vafumeli 14:7

Amaziya a to daya 10.000 wa va ka Edhomi mkovani ka Mnyu, se e honyola didhoropa da Sela yimbini; a to di raya ditina daku i Jokiteli, kala ka ditshiku da nyamsi.

2 Samuwele 8:2

Kambe a to xasela Vamowabhi, e va otelisa hahatshi ni ku va pima ngu ngoti, a to va pima ngu tingoti timbidi kasi ku e va daya, avale va nga pimwa ngu ngoti yimweyo a to va leka ve hanya. Ngu kumaha keto, Vamowabhi va to maha tikhumbi ta Dhavhidha, ve mluva.

Isaya 42:11

Guletani mapswi awe txiwula ni nanu madhoropa, ni mikhokhola yi Kedhari a zumbako ka yona; va na gulete avale va zumbako marigwini, va na kwangule ngu txitimwi ka mimango.

Ezra 7:17

Maleyo u na xava ngu yona marole, sihambana ni sinvutana, ni miningelo ya kona ya sakudya ni ya kuhiswa, u txi ya si ningela txitimwi ka txiluvelo Nyumbani ka Txizimu txanu, txi txi zumbako Jerusalema.

Mika 4:8

Awe txitezi txa mtxhambi, mmango wa dihorana da Siyoni, ku nata kwako, ina, ku nata kwako kuxula ko khata, wukoma wa dihorana da Jerusalema.

Ezekhiyele 45:16

Votshe vathu va ditiko va na yisa mningelo wuwa, ka mthangeli wa ka Israyeli.